Óńirlerdi damytý memlekettik baǵdarmalasynyń sheńberinde birer jyldan beri Jambyl oblysynda josparly jumystar júıesin tabýda. Ásirese buqaranyń kógildin otynmen qamtý máselesi kezeń-kezeńimen sheshimin taýyp keledi. Qordaı aýdany da gaz qubyrlaryn júrgizý jumystary boıynsha kóshten bir eli qalyp jatqan joq dep jazady Qamshy.kz aqparat agenttigi. 

Qordaı aýdanyndaǵy eldi mekenderdi gazdandyrý máselesin kezeń-kezeńmen sheshý josparlanyp, búginde İ kezeń boıynsha Otar aýmaǵyndaǵy eldi mekenderdi gazdandyrý úshin jobalyq-smetalyq qujattamasyn ázirleýge aýdandyq búdjetten 28,5 mıllıon teńge bólindi.

Al, İİ kezeń boıynsha 5 eldi mekendi (Noǵaıbaı, Sharbaqty, Sarybastaý, Qarasý, Ótegen) gazdandyrý úshin jobalyq-smetalyq qujattamasy aıaqtalyp, qurylys jumystaryn bastaý úshin oblystyq búdjetke ótinim berilgen. Bul jerde eskere ketetin bir mesele, aýyldarǵa gaz qubyry kirgennen keıin jobalyq smetalyq qujttamaǵa sáıkes aýyl turǵyndarynyń úıine gaz qubyryn tartý úshin 350 myń teńge emes, 150 myń teńge tóleýge múmkinshilik alady.

Aýdandaǵy 4 orta mekteptiń (№23 Áljan ana, №24 Stepnoı, Jambyl №26 İ-İİ korpýstaryn) jáne bir balabaqshasynyń qazandyqtaryn qatty otynnan gazǵa aýystyrý maqsatynda oblystyq ekonomıka jáne búdjettik josparlaý basqarmasyna búdjettik ótinim tapsyryldy.

Sondaı-aq aýdanda jol qurylysy da qarqyn alyp, jaqsy jáne qanaǵattanarlyq jaǵdaıdaǵy aýdandyq mańyzy bar avtojoldardyń úlesi 75,1 paıyzdy qurap otyr. Jospar 79,4 paıyz.

Aǵymdaǵy jyly aýdandyq mańyzy bar joldarǵa 16,9 shaqyrym ortasha jóndeý jumystary júrgizilýde. Onyń ishinde respýblıkalyq, oblystyq búdjetterden «Ótegen-Báıterek -Aýqatty– 8 shq» jolyna 199,7 mln. teńge, «Noǵaıbaı-Sarybastaý-1-3,5 shaqyrym» jolyna 61,3 mln. teńge, «Betkaınar-Soǵandy» avtojolyna 65,7 mln. teńge jáne respýblıkalyq búdjetten Sortóbe-Aýqatty-Qyzylsaı 0-13,8 shaqyrym jolyna 50,0 mln. teńge bólindi. Sonymen qatar, respýblıkaldyq búdjetten «Aýqatty-Baıterek» 7,4 shaqyrym avtojolynyń qurylysyna 243,8 mln. teńge jáne oblystyq búdjetten 27,1 mln.teńge qarastyrylǵan.

Qordaı aýylyndaǵy Bolashaq yqsham aýdanyna kiretin Tóle bı kóshesi boıyndaǵy kópirdi salý jumystaryna 80,6 mln. teńge bólinip, qazirgi tańda Jambyl oblysy energetıka jáne turǵyn úı basqarmasy tarapynan konkýrs jarıalandy.

Aýdan eldi mekenderinde avtobýstyq aıaldamalardy ornalastyrý baǵdarlamasy boıynsha aýdandaǵy Kenen, Alǵa, Kóǵadyr, Qyzylsaı, Kúnbatys-1, Kúnbatys-2, Beriktas aýyldarynyń kireberisterinde aıaldamalardy ornatý úshin aýdandyq búdjetten 6,5 mln. teńge bólinip, jumystar qolǵa alynýda.