Memleket basshysy Qasym-Jomart Toqaev Prezıdenttik laýazymyna kirisken boıy tártip saqshylarynyń basyn qosyp, polısıa qyzmetkerlerine jeti mindet júktegenin el jaqsy biledi. Árıne Prezıdenttiń bul tapsyrmasy turǵyndar qaýipsizdigin qamtamasyz etýge baǵyttalyp otyr. Jambyldyq saqshylar da bul mindetti múltiksiz oryndaýǵa kúsh salýda dep jazady Qamshy.kz aqparat agenttigi. 

Máselen 2019 jyldyń 6 aı merziminde Qordaı aýdany aýmaǵynda qylmysytarmen quqyq buzýshylyqtyn aldyn alýda jedel ahýaldy jaǵdaıdy jaqsartý maqsatymen birqatar jumystar atqarylǵan. Nátıjesinde jalpy qylmystardyń tirkelýi 360-tan 350 –ge nemese -2,8% tómendegen. Asa aýyr qylmystar 18,5%, aýyr qylmystar 30,4%, orta dárejedegi qylmystar 16,7% azaıǵan.

Qylmystyń ashylýy 77 paıyz nemese ótken jyldyń sáıkes jylymen salystyrǵanda 15,8 paıyzǵa artqan.

Aýdan turǵyndarynyń qaýipsizdigi men qoǵamdyq tártipti qadaǵalaý ishki ister bóliminiń turaqty baqylaýynda. Turǵyndar qaýipsizdigi basty nazarda. Osy maqsatta «Jol júrý qaýipsizdigin qamtamasyz etý» baǵdarlamasy boıynsha 12,4 mln. teńgege 18 dana vıdeobaqylaý qurylǵylary ornatylsa, «Qaýipsiz aýdan» baǵdarlamasy aıasynda 4 dana avtomattandyrylǵan beınetirkeý kameralary qoıylǵan. Bul quqyqbuzýshylyqtyń aldyn alyp, tártip ornatýǵa septigin tıgizbek.19 aýyldyq okrýgterdegi ýchaskelik polısıa qyzmetkerlerine 3 mln. 705 teńgege 19 dana kompúter satyp alyndy.

Sondaı-aq,2019 jyly Qordaı aýdandyq polısıa bóliminiń jergilikti polısıa qyzmetkerlerine aýdandyq búdjetten 30 termoprınter jáne f30 planshetter satyp alýǵa 11,7 mln. teńge qarajat bólindi.

Sonymen qatar, 6,0 mln. teńgege Qarasaı jáne Sulýtór aýyldarynan jergilikti polısıa qyzmetkerlerine qyzmettik úıler alyndy. Qordaı aýdany ákimdiginiń qoldaýymen Qarasaı, Qarakemer, Masanchı, Sortóbe jáne Aýqatty aýyldyq okrýgteri men eldi mekenderiniń tynyshtyǵy men turǵyndardyń qaýipsizdigin qamtamasyz etý maqsatynda jáne aýyldyq okrýgterdiń Qyrǵyz Respýblıkasymen shekaralas jatqandyǵyn eskere otyryp, 2018 jyly Aýqatty aýylynda 20 shtattyq birlikpen aýyldyq polısıa bólimshesi ashylyp, jumystaryn atqarýda.

Árıne bul ortaq eńbektiń jemisi. Prezıdent júktegen tapsyrmalardy oryndaý budan ári de jalǵasyn tabady dep senemiz.