Taraz qalasynyń ákimi Qaırat Dosaev qyzmetke kirisken alǵashqy kúnderden bastap kóne shahar aýmaǵyndaǵy kósheler men áleýmettik nysandardy turaqty túrde aralap keledi. Mundaǵy maqsat-týyndap otyrǵan máselelerdiń baıybyna tereńirek kóz jetkizip qana qoımaı, turǵyndardyń talap-tilegin tyńdaý. Esesine bul ádis jumystyń tıimdiligin arttyrýǵa da oń septigin tıgizip jatqany jasyryn emes. Tipti, shahar basshysynyń tazalyq jumystaryna tikeleı ózi bas bolyp, atsalysýy da jergilikti jurtshylyqty súıtintip tastaǵany sózsiz.
Qazir Taraz qalasynda Jambyl oblysynyń ákimi Asqar Myrzahmetovtyń tapsyrmasyna sáıkes qurylys jumystary qarqyndy júrgizilýde. Negizgi kúsh shahardyń ortalyǵyndaǵy «Shahrıstan» keshenin jańǵyrtý jumystaryna jumystaryna jumyldyrylýda. Sonymen qatar ózge aýmaqtarda da tynymsyz tirlik jalǵasýda. Qalanyń bir bóliginde áleýmettik jataqhanalar boı kóterip jatsa, endi bir aýmaǵynda kásipkerlik nysandarynyń qatary kóbeıýde. Sonymen qatar jylý júıelerin jańǵyrtý jumystarynyń sapaly ári ýaqtyly aıaqtalýyna da basa nazar aýdarylýda. Al taǵy bir tusta jol jóndeý jumystary qarqyn alǵan. Munyń bári de áleýmettik ıgiligine baǵyttalǵan sharýa. Bul turǵyda memlekettik baǵdarlamalardyń oryndalýyna qatań qadaǵa da kerek. Osy oraıda jergilikti sheneýnikter qurylys barysyn óz baqylaýlaryna alyp, nysardarǵa jıi-jıi at basyn burýda.
Kúni keshe Taraz qalasynyń ákimi Qaırat Dosaev qalanyń «Taıvan» aýmaǵynda bastalǵan joldarǵa ortasha jóndeý jumystarynyń barysymen tanysty. Uzyndyǵy 2 shaqyrym bolatyn Bajenov kóshesinde asfálttaý jumystaryn júrgizip otyrǵan «Taraz kólik joly» JSHS-niń jumys sapasyna kóz jetkizdi.
Odan keıin Qaırat Áskerbekuly «Shalǵaı Qarasýǵa» jol tartty. Munda taıaýda ǵana asfált tóselgen Prıbalhashskaıa, Teplovoznaıa kósheleriniń jol jabyndysynyń qalyńdyǵyn, sapasyn kórip, endigi jerde balalardyń qaýipsizdigi úshin jaıaý júrginshiler jolyn salý jáne jol belgilerin ornatý qajettigi týraly sala mamandaryna tapsyrma berdi. Aýmaqtyń jol jabyndysymen tanysyp turǵan qala ákimin kórgen aýmaq turǵyndary, kóp jylǵy tilekteriniń oryndalǵanyna alǵystaryn jaýdyrdy.
