Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev «Bolashaqqa baǵdar: Rýhanı jańǵyrý» atty maqalasynda bizge ınjenerler men dárigerler ǵana emes, qazirgi zamandy jáne bolashaqty tereń túsinetin bilikti gýmanıtarlyq sala mamandary da aýadaı qajet ekenin aıtty. Tarıh pen saıasattaný, áleýmettaný men fılosofıa, psıhologıa, pedagogıka, ekonomıka, mádenıettaný jáne fılologıa ǵylymdary boıynsha stýdentterge zamanǵa laıyq bilim berýge qajetti jaǵdaı jasaýdy tapsyrdy.
Osy mindetti iske asyrýǵa múmkindik beretin negizgi tetik retinde «Jańa gýmanıtarlyq bilim. Qazaq tilindegi «100 jańa oqýlyq» jobasy qolǵa alyndy dep jazady Qamshy.kz aqparat agenttigi.
Jobanyń maqsaty – gýmanıtarlyq bilimniń barlyq baǵyty boıynsha álemdegi tańdamaly oqýlyqtardy qazaq tiline aýdaryp, jastarǵa jańashyl baǵytta bilim berý. Bul bastama 2018-2019 oqý jylynda stýdentterdiń oqý baǵdarlamasy boıynsha júzege asyrylady.
«100 jańa oqýlyq» jobasy aıasynda Kovı men Hararıdiń kitaptary jaryq kórip, Jambyl oblysy Talas aýdandyq ortalyq kitaphananyń kitap qoryn tolyqtyrdy. “Rýhanı jańǵyrý” baǵdarlamasynda kórsetilgen sananyń ashyqtyǵy, bilimge qushtarlyq, pragmatızm sıaqty negizgi qundylyqtar jastar arasynda osyndaı kitaptar arqyly jaqsy qamtylady.
Atalmysh kitap aýdan ákiminiń orynbasary Q.Sadýbaevqa nasıhattalyndy.
Iýval Noah Hararıdiń “Sapiens: Adamzattyń qysqasha tarıhy” 20-dan astam memlekette 7 mıllıon danamen taralǵan. Ony qazaq tiline aýdarǵan avtor – Maqsot İzimuly.
Aıta keteıik, Oqýlyqtar 130 joǵary oqý orny men 130 kolejge 10 myń danamen taratyldy. Onyń ústine openu.kz saıtynan «Ulttyq aýdarma búrosynda» shyqqan barlyq kitaptyń elektrondy nusqasyn ashyp, oqýǵa bolady. Iaǵnı, kitaptardy Interneti bar kez kelgen adam asha alady.
Buǵan qosa, sala ǵalymdarynyń qatysýymen barlyq oqýlyqqa qazaq, orys tilderinde vıdeoleksıalar ázirlenip, sol resýrsqa salynyp jatyr. Kitaptardyń keıbiriniń aýdıonusqalary ázirlenip, olardy da júktep jatyrmyz. Halyqtan suranys bolǵandyqtan, keı oqýlyqtardy kitap dúkenderine shyǵardyq. Qysqasy, oqýlyqtar qalyń oqyrmanǵa jetýi úshin qoldan kelgen múmkindiktiń bárin jasaýǵa tyrysyp jatyr.
