Tergeý basqarmasynyń málimeti boıynsha, QR Qylmystyq kodeksiniń 24-baby, 3-bólimi boıynsha tergelip jatqan qylmysty istiń zattaı aıǵaǵy retinde eki kólik – aq tústi Toyota Camry men qara tústi Toyota Avensis tabyldy.
"Eki kólik quraly da qylmystyq zerthanada tekserildi, adam qaqqanynyń belgisi bar. Tıisti saraptama taǵaıyndaldy. Qazir kólikter mamandandyrylǵan avtoturaqqa qoıyldy, qylmys quraly bolǵandyqtan olardy qoldanýǵa tyıym salyndy", – dedi Almaty qalalyq PD tergeý basqarmasy basshysynyń orynbasary polısıa podpolkovnıgi Dýman Aýhadıev.
Sondaı-aq ol túnde polısıa jedel bóliminiń qyzmetkerleri Almaty oblysy Eńbekshiqazaq aýdanynyń turǵyny, 1995 jyly týǵan A. esimdi azamat qolǵa túskenin aıtty. Ol Toyota Camry markaly kólikti tizgindegen. Qazir ol ýaqytsha ustaý ızolátorynda.
"Qara tústi sheteldik kóliktiń júrgizýshisi anyqtaldy. Ony ustaý – ýaqyt enshisinde. Ol adamdardy qaqqan Toyota Avensis kóligi tabyldy jáne turaqqa qoıyldy. Bul is barysynda tergeý jan-jaqty jáne ádil júrgiziledi", – dedi podpolkovnık Aýhadıev.
