Jambyl oblysy ákiminiń birinshi orynbasary Bekbolat Orynbekov Sarysý aýdanynda jumys saparymen boldy. Sapary barysynda Bekbolat Serikbekuly birneshe azamattardy jeke máslelerimen qabyldap, olardyń aıtqan ýájderin tyńdap, onyń oryndalý joldaryn qarastyrdy dep jazady Qamshy.kz aqparat agenttigi.
Sodan soń aýdanynda jumys saparyn qorytyndylaý boıynsha aktıv jıyny ótti. Onda tıisti mekeme-kásiporyn basshylaryn naqty tapsyrmalar berilip, jumysty jaýapkershilikpen atqarý máselesi qozǵaldy.
Sonymen qatar 2019-2020 jyldardaǵy jylý berý maýsymyna daıyndyq barysy týraly kóshpeli shtab otyrysyn oblys ákiminiń birinshi orynbasary B.Orynbekov júrgizdi. Shtab tóraǵasy óz sózinde:
– Búgingi ótkizilip otyrǵan Shtab otyrysynyń maqsaty – kómirmen qamtý nysandaryn, búdjettik nysandardy, ortalyqtandyrylǵan júıemen jylý alatyn kópqabatty turǵyn úılerdi jáne barlyq ınfraqurylymdyq jelilerdi jylytý maýsymyna ýaqytyly jáne sapaly daıyndaý.
Ózderińizge belgili, jylytý maýsymynda jylý,elektr jelilerindegi aqaýlar, uzaq-qysqa merzimdi toqtaýlar, qazandyqtardaǵy tehnologıalyq erejelerdiń saqtalmaýy oryn alyp jatqany belgili.
Aldaǵy ýaqytta nysandardy qaıta jańǵyrtý jáne kúrdeli jóndeýge qatysty búdjettik jobalardyń, otyn-energetıka kesheni kásiporyndar men josparlanǵan jóndeý jumystarynyń, ınvestısıalyq baǵdarlamalardyń ýaqytyly oryndalýyn, kásiporyndardyń debıtorlyq-kredıtorlyq bereshekteriniń joıylýyn, kópqabatty turǵyn úılerdiń jylý energıasyn qabyldaýǵa tolyq qamtamasyz etý qajet.
Bul máseleler oblystyq Shtabtyń turaqty baqylaýynda jáne joǵaryda atalǵan qandaı da bir kemshilikter jiti nazarǵa alynyp, olardy oryndamaý nátıjesinde tıisti sharalar qabyldanatyn bolady. Sondyqtan úlken jaýapkershilikpen qaraýdy suraımyn, – dedi.
Odan keıin, Sarysý aýdany ákiminiń orynbasary O.Kókeı aýdandaǵy nysandardyń jylytý maýsymyna daıyndyq barysyna toqtaldy.
Sarysý aýdany boıynsha bilim berý, densaýlyq saqtaý, mádenıet jáne sport nysandarynyń daıyndyǵy týraly da mekeme basshylarynan oblys ákiminiń birinshi orynbasary B.Orynbekov jeke-jeke surap, naqty tapsyrmalar berdi.
Shtab otyrysyn oblys ákiminiń birinshi orynbasary B.Orynbekov qorytyndylaı kele, Sarysý aýdanynyń 2019-2020 jyldardaǵy jylý berý maýsymyna daıyndyqtaryn kúsheıtý qajettigin qatań eskertti.
