Almaty ákimi B. Saǵyntaev Alataý aýdanynyń turǵyndarymen kezdesýden soń birqatar máseleler sheshildi. Bul týraly Almaty ákimdiginiń baspasóz ortalyǵynda ótken brıfıńte aýdan ákimi Shahmerden Ryspaev habarlady, dep jazady Qamshy.kz aqparat agenttigi.

Mysaly, Nurkent yqshamaýdany men Qojabekov kóshesiniń boıyna jaıaý ótpeli jol jasaldy, al ÚAK men men Shapaǵat eldi mekenindegi Jansúgirov kóshesiniń qıylysyna baǵdarsham ornatyldy, Atletter aýylyna 2 shekteý belgisi qoıyldy.

Zerdeli yqsham aýdanynda jaýyn lúktary jabyldy, shópter shabyldy, kóshe jaryǵy ornatyldy, kólik beketterine pandýstar jasalyp, jylý júıesiniń jumysy retteldi.

Alǵabas eldi mekenindegi qańǵybas ıtterge, Qalampyr kóshesindegi qoqysqa qatysty máseleler sheshildi. Tomırıs, Darhan, Uljan-1, AZTM yqsham aýdandary men Streles kóshesine sý jáne káriz jelilerin salý jumystary aıaqtaldy. Nurkent yqshamaýdanynda joldar men trotýarlar qalpyna keltirildi.

Jalpy, qala ákiminiń turǵyndarmen kezdesýinde aıtylǵan 161 suraqtyń 36-y tolyq sheshildi, 82-si boıynsha jumystar jasalýda, 26-y qosymsha zertteýdi qajet etedi. 17 suraqqa túsindirme berildi. Turǵyndardyń ótinishteri boıynsha jumystar jalǵasýda.