Aýdandardy aralap shyǵyp, turǵyndarmen kezdesken soń Baqytjan Saǵyntaev azamattardy jeke qabyldaı bastady. Bul kúni ákimniń qabyldaýyna 25 adam keldi, olardyń kótergen problemalary ártúrli – turǵyn úıdiń joqtyǵy, jer, komýnaldyq jáne áleýmettik máseleler.
Máselelerdiń keıbireýleri birden sheshilip jatty. Qosymsha zertteýdi qajet etetin ótinishter de boldy, mektepke jáne kóshege at berý – úkimettik deńgeıdegi komısıa sheshimimen ǵana iske asatyn másele.
Ár ótinish boıynsha naqtyly jaýaptar ázirlenedi. Oń sheshimin tapqan jaǵdaıda oryndalý merzimi men jaýapty adamdardyń aty-jóni kórsetiledi.
Endi azamattardy jeke qabyldaý qala ákimdigi men «Nur Otan» partıasy fılıalynyń ofısinde turaqty ótedi. Al, turǵyndarmen «erkin mıkrofon» formatynda kezdesý ár toqsanda bir ret ótetin bolady.
Pikir qaldyrý