Jańa basqarmanyń mindeti – keler jyldyń aıaǵyna deıin qajetti memqyzmetterdi tolyq avtomattandyrý. Bul týraly Memleket basshysynyń Joldaýyn júzege asyrý boıynsha ótken qala aktıviniń otyrysynda Almaty ákimi Baqytjan Saǵyntaev habarlady.
Almaty – Qazaqstannyń sıfrly astanasy. Qazirgi kezde qala sıfrlyq saýattylyq deńgeıi boıynsha (82,6%) úzdik. İT qyzmettiń úshten biri ońtústik astanada oryndalady. Astanamen birge Almatyda málimetterdi jedel jiberýdiń jańa formaty – 5G testilenýde.
«Meniń tapsyrmam boıynsha ákimdikte sıfrlandyrý máselesi boıynsha jeke basqarma qurylady. Onyń mindeti – aqyldy qalalardyń jańa jobalaryn engizý, memlekettik qyzmetterdi avtomattandyrýdy aıaqtaý, Almatyda IT sektor qarqynyn jyl saıyn jedeldetý úshin jaǵdaılar jasaý», – dep atap ótti B. Saǵyntaev.
Qazirgi kezde Almatyda qajetti memqyzmetterdiń 80%-y avtomattandyrylǵan. Jańa sıfrlandyrý basqarmasynyń mindeti – 2020 jyldyń aıaǵyna deıin qajettiliktegi memqyzmetterdi tolyq avtomattandyrý.
Pikir qaldyrý