Jumystyń mundaı kólemi keler jylǵa josparlanǵan. Bul týraly Almaty ákimdiginiń baspasóz ortalyǵynda ótken brıfıńte Naýryzbaı aýdanynyń ákimi Sanjar Toǵaı habarlady.

Qalanyń Polısıa departamentimen birge jaryqty birinshi kezekte qajet etetin barynsha krımınogendi ýchaskeler anyqtaldy. Bıylǵy jyly Qalqaman eldi mekeniniń 23 kóshesi jaryqtandyrylady. Keler jyly Naýryzbaı aýdanynyń 245 kóshesine jaryq júrgiziledi.

«Aýdan qurylǵan kezden bastap uzyndyǵy 72 km bolatyn 49 kóshege jaryq júrgizildi. Jalpy, aýdan boıynsha kóshelerdiń nebári 28 prosenti ǵana jaryqtandyrylǵan, árıne, bul jetkiliksiz. Qala ákiminiń tapsyrmasyna sáıkes keler jyly aýdannyń barlyq kóshelerin jaryqtandyrýdy josparladyq», – dedi S. Toǵaı.

Bulardan ózge, qoǵamdyq qaýipsizdikti saqtaýǵa oraı aýdanda segiz krımınogendi ýchaske anyqtaldy, bularda polısıanyń stasıonarly jáne mobıldi pýnktteri jumys jasaıdy.

«Keler jyly Qalqaman yqsham aýdanynda bıznestiń áleýmettik jaýapkershiligi aıasynda úı salynyp, onyń bir jartysyna polısıanyń ýchaskelik pýnkti ornalasady, al ekinshi jartysynda ýchaskelik polısıa qyzmetkeri otbasymen turatyn bolady», – dep atap ótti Naýryzbaı aýdanynyń ákimi.

almaty.gov.kz