Air Astana bılet baǵasyn arzandatpaıdy, dep habarlady Qamshy.kz aqparat agenttigi KTK arnasynyń deregin negizge alyp.

«Ózge eldermen salystyrǵanda bizde bılet quny onsyz da tómen», - deıdi áýe kompanıasynyń prezıdenti Pıter Foster.

«Alys-jaqyn sheteldiń áýe tasymaldaýshylaryna qaraǵanda bizdegi baǵa birneshe ese tómen. Bul rette bizge qarasty Fly Arystan kompanıasynyń baryp-kelý quny shamamen 45 dollar. Ózge loýkostrlermen salystyrǵanda mundaı baǵa joqtyń-qasy», - dedi Air Astana áýe kompanıasynyń prezıdenti Pıter Foster.

Áýe kompanıasy aldaǵy ýaqytta loýkosterdiń jumysyn jandandyrmaq. Ol úshin «Fly Arystan» áýe parkine tıesili ushaq sanyn 2-den 10-ǵa deıin kóbeıtýdi kózdep otyr. Keler jyldan bastap Almaty, Nur-Sultan, Shymkent pen Qaraǵandydan jańa reıster ashylady. Degenmen Pıter Foster Air Astana kompanıasynyń aspandap turǵan bıletterin arzandatpaıdy. Eske salsaq, jaqynda prezıdent joldaýynda elimizdegi basty áýe kompanıasynyń bılet baǵasyn nelikten 30 paıyzǵa qymbattatyp jibergenin tekserýdi talap etken bolatyn.