Almaty ákimdiginiń baspasóz ortalyǵynda Sport basqarmasynyń basshysy Rústem Baıseıitov, «Barys» HK-nyń vıse-prezıdenti Arnur Álsherov komandanyń aldaǵy josparlary týraly aıtty.

Aǵymdaǵy jyl «Barys» úshin mereıli jyl. 26 qarashada klýb óziniń qurylǵanynyń 20 jyldyǵyn atap ótedi jáne osyǵan oraı birqatar sharalar daıyndaýda. Almatyda KHL chempıonatynyń eki machyn ótkizedi.

«Bul Qala kúnin merekeleý aıasynda Almaty turǵyndary men qonaqtary úshin jaqsy syılyq bolmaq. «Barys» machtardy jáne qosalqy sharalardy uıymdastyrýda qoldaý men kómek kórsetken qala ákimdigi men kópfýnksıonaldy «AlmatyArena» muz keshenine alǵys bildiredi», – dep atap ótti A. Álsherov.

Machtar 17 jáne 20 qyrkúıekte, saǵat 19:30-da ótedi. Seısenbi kúni «Barys» máskeýlik «Spartak» klýbymen, jumada chelábınskilik «Traktormen» oınaıdy.