Shamalǵandaǵy jolaýshylar poıyzy men avtobýstyń apatynan keıin turǵyndar bul temirjol ótkeliniń ornyna kópir salynýy kerek edi degen talabymen joldy japqan bolatyn. Joldar qurylysyna jaýapty mınıstrliktiń basshysy Roman Sklárdyń aıtýynsha, bul jerge «kópir salý  búdjetke salmaq túsiredi» dep jazady Qamshy.kz aqparat agenttigi azattyq-ruhy.kz saıtynyń deregin negizge alyp. 

«Bul temirjol beketinen kúnine 65 poıyz ótedi. Al, jeńil kólińtiń kúnine 10 myńdaıy qatynaıdy. Kópir qurylysy kerek, alaıda, ol búdjetke salmaq salady», - deıdi mınıstr. 

Roman Sklár kópir qurylysyn bastaý úshin  70-ke  jýyq úı jáne eki janarmaı quıý beketi  súrilýi kerek deıdi.

«Bul jerge joldar jelisin (pýtı provoda) salýǵa bolady. Alaıda, ol úshin avtokólik joly 1,2,3- kategorıaly bolýy tıis. Al, apat bolǵan jol ekinshi kategorıaǵa jatady. Kópir qurylysyn jobalaý jumystaryn kelesi jylǵa josparlap otyrmyz. Dál osy mańǵa salynbaıdy. Máselen, apat bolǵan jerden  7 shaqyrymda ornalasqan Eltaı eldi mekeniniń tusynan jol jelisin salý arqyly  problemaly eki ótkeldiń máselesi sheshilgen bolatyn. Osyndaı jumystar alda da jalǵasady», - deıdi Sklár. 

Eske salaıyq, keshe keshkisin Almaty mańynda poıyz ben avtobýs soqtyǵysyp, apat saldarynan avtobýs júrgizýshi qaza tapty. Úsh adam aýyr hálde aýrýǵanaǵa túsken. Qazir tótenshe jaǵdaı boıynsha sotqa deıingi tergeý amaldary júrgizilip jatyr.