"Ál-Qaıda” terorıstik uıymynyń negizin qalaǵan Ýsama ben Ladenniń uly Hamza ben Ladendi arnaıy operasıa kezinde atyp óltirgen dep jazady Qamshy.kz aqparat agenttigi centralasian.org saıtynyń deregin negizge alyp. 

"Ál-Qaıda” uıymyna jetekshilik etken Hamza ben Laden Pákistan men Aýǵanstan shekaralary mańyndaǵy aýmaqta qaza tapqan. AQSH prezıdenti Donald Tramp jarıalaǵan málimdemede oqıǵanyń qashan bolǵany aıtylmaıdy. Operasıanyń tolyq jaı-japsary da jazylmaǵan.

Málimdemede ben Laden ulynyń ólimi "Ál-Qaıda” uıymynyń kúsh-qýatyn álsiretip, ózge terorıstik toptarmen baılanysyn azaıtpaq dep kórsetilgen.

Amerıkalyq BAQ Hamza ben Ladenniń qaza tapqanyn ákimshiliktegi belgisiz aqparat kózine silteme jasaı otyryp, tamyz aıynda habarlaǵan edi.

Buǵan deıin AQSH memlekettik departamenti jas shamasy otyzdan endi asqan Hamza ben Laden "Ál-Qaıda" uıymyndaǵy ákesiniń ornyn basýdy kózdep otyr dep málimdegen. Osydan keıin AQSH bıligi bıyl aqpanda ony ustaýǵa kómektesetin aqparat úshin mıllıon dollar syıaqy taǵaıyndaǵan.

Munyń aldynda Hamza ben Laden ınternet arqyly aýdıo jáne vıdeo úndeý jarıalap, AQSH-qa shabýyl jasaýǵa shaqyrǵan.