Almaty álemniń úsh iri halyqaralyq reıtıń agenttikteriniń biri Fitch Ratings usynǵan Qazaqstannyń táýelsiz reıtıńi deńgeıinde "BBB" halyqaralyq kredıttik reıtıńine ıe boldy, dep habarlaıdy Qamshy.kz aqparat agenttigi.
Sońǵy bes jylda Almaty qalasynyń ekonomıkasyna, búdjetine jáne kredıttik beıinine júrgizilgen taldaý nátıjeleri boıynsha Fitch "BBB" (ınvestısıalyq deńgeı) deńgeıinde shetel jáne ulttyq valútadaǵy emıtent defoltynyń (IDR) uzaq merzimdi reıtıńin jáne "BBB+" deńgeıinde avtonomdy nesıelik beıin (SCP) berdi https://www.fitchratings.com/site/pr/10088964
Fitch Ratings standarttaryna sáıkes, "BBB" emıtenttiń jaqsy nesıelik sapasy bolyp tabylady jáne nesıelik táýekel boıynsha tómen aǵymdaǵy kútýdi kórsetedi.
Atalǵan nesıelik reıtıń Almatynyń Eýropa jáne Ortalyq Azıa (ECA Cities) qalalarynyń baǵdarlamasy sheńberinde Halyqaralyq qarjy korporasıasy (IFC) qoldaıtyn qalanyń maqsatty ınfraqurylymdyq baǵdarlamasyn jeke qarjylandyrýdyń uzaq merzimdi quraldaryn anyqtaý jónindegi kúsh-jigerin rastaý bolyp tabylady.
Baǵdarlama qoǵamdyq kólik, sýmen jabdyqtaý, sý burý, qaldyqtardy basqarý, energıa tıimdi jáne aqyldy qalalyq tehnologıalardy qosa alǵanda, ekologıalyq taza jáne ornyqty mýnısıpaldyq ınfraqurylym kómegimen túıindi qyzmetter kórsetýdi jaqsartýǵa baǵdarlanady.
Qalamen yntymaqtastyq aıasynda IFC Almatyǵa halyqaralyq nesıe reıtıńin berýge ótinim berý úshin tıisti qujattardy daıyndaý jáne reıtıń alý prosesi barysynda basshylyq pen usynystar berdi.
Halyqaralyq nesıe reıtıńi ınvestorlarǵa Almatynyń kredıttik qabilettiligin jáne óziniń qarjylyq mindettemelerin oryndaý múmkindigin berý úshin sheshýshi mánge ıe. Reıtıńti berý jáne IFC men Almaty arasyndaǵy strategıalyq seriktestiktiń alǵashqy qadamy bolyp tabylady, ol iri ınfraqurylymdyq jobalar úshin uzaq merzimdi táýelsiz emes qarjylandyrý naryǵyna "jol ashady". Bul jumys qalalyq ınfraqurylym boıynsha óz saraptamasyn ákeletin Dúnıejúzilik bankpen tyǵyz yntymaqtastyqta da júzege asyrylady.
Ortalyq Azıa boıynsha IFC aımaqtyq menedjeri Kasandra Kolbert – "Halyqaralyq kredıt reıtıńin alý qalanyń óziniń ósip kele jatqan ınvestısıalyq qajettilikteri úshin komersıalyq uzaq merzimdi qarjylandyrýdy tartý qabiletin kúsheıtýdegi mańyzdy qadam bolyp tabylady. IFC mindeti – zamanaýı ınfraqurylymǵa ınvestısıa tartý jáne Almatyǵa óz turǵyndarynyń ómir súrý sapasyn jaqsartý úshin tıimdi jáne turaqty qyzmet kórsetýge kómektesý", – dedi.
Almatynyń nesıelik reıtıńi halyqaralyq ınvestısıalyq qaýymdastyqtyń nazaryn aýdarý maqsatynda Fitch Ratings baǵalaıtyn álemniń jetekshi astanalar reıtıńteriniń tizimine engiziletin bolady.
Almaty qalasy ákiminiń orynbasary İlıas Óserov "Joǵary nesıelik reıtıń Almaty qalasynda jaıly ınvestısıalyq ahýal týǵyzyp, bıznes-bastamalarǵa arnalǵan barynsha perspektıvaly ınvestısıalyq alań bolyp qala beredi. Biz nesıelik reıtıńti aǵymdaǵy "BBB+" - ten álemniń jetekshi qarjy uıymdarymen uzaq merzimdi zaemdar jasaı otyryp, odan da joǵary ınvestısıalyq deńgeıge deıin kóterýdi jalǵastyratynymyzdy aıta ketý kerek», – dep atap ótti.
IFC jáne Almaty qalasynyń ákimdigi 2019 jyldyń aqpan aıynda Strategıalyq áriptestik týraly kelisimge qol qoıdy, onyń aıasynda IFC uzaq merzimdi kapıtalǵa qol jetkizýde jáne ınfraqurylymǵa ınvestısıalardy tartýǵa ákimdikke qoldaý kórsetedi.
