Búgin "Shyǵys" óńirlik qolbasshylyǵynyń "Shyǵys" Oqý ortalyǵynyń saptyq alańynda  "Shyǵys-2019" jedel-taktıkalyq komandalyq-shtabtyq oqý-jattyǵýdyń saltanatty ashylý rásimi ótti, dep habarlaıdy Qamshy.kz aqparat agenttigi. Bul jóninde SHQO aqparat ortalyǵy jazady.

Maqsaty – qatardaǵy jaýyngerlerdiń daıyndyǵyn tekserý jáne óńirdegi beıbitshilikti saqtaý úshin reseılik jáne qazaqstandyq áskerı qyzmetshilerdiń ózara is-qımyl deńgeıin arttyrý.

Oǵan 4000-ǵa jýyq áskerı qyzmetshiler qatysyp, bir jarym myńnan astam qarý-jaraq pen áskerı tehnıka jumyldyryldy.

 – Reseı Federasıasy men Qazaqstan Respýblıkasy arasynda qalyptasqan ózara qarym-qatynastar áskerı yntymaqtastyqtyń kóp jylǵy tarıhyna ıe. Búgin bastalǵan oqý-jattyǵý eki odaqtyq memlekettiń ulttyq qaýipsizdigin qamtamasyz etý boıynsha tyǵyz qarym-qatynastardyń jarqyn aıǵaǵy bolyp tabylady. Árbir sarbaz óz kásibıligin, ortaq qaýip-qaterlerge qarsy tura bilýin kórsetý kerek, – deıdi RF Qarýly Kúshteri áskerleriniń komandıri Sergeı Mılchakov.

Oqý-jattyǵý úsh kezeńde ótedi: áskerlerdi jaýyngerlik ázirlikke daıyndaý, birlesken arnaıy áskerı operasıany ótkizý.

Osyndaı oqý-jattyǵýlar elimizdiń birneshe óńirinde bir ýaqytta bastaldy. Qazaqstannyń ońtústiginde taý-ken bólimshelerimen, al Qaraǵandy oblysynyń aýmaǵynda zymyrandyq-artıllerıalyq bólimshelermen qatar ótýde.

Qolbasshylyq atap ótkendeı, atalmysh oqý-jattyǵýlardy ótkizý qatysýshy memleketterdiń Qarýly Kúshterin qoldanýmen baılanysty birqatar máselelerdi zertteýge múmkindik beredi.

Halyqaralyq áskerı yntymaqtastyq sheńberinde Qazaqstannyń Qarýly Kúshteri turaqty negizde Ortalyq Azıa elderi – Qyrǵyzstan, Ózbekstan jáne Tájikstan, sondaı-aq Reseı, Belorýs, Úndistan, Túrkıa jáne basqa da memleketter birlesken oqý-jattyǵýlarǵa qatysady. Ótken jyly Qazaqstan áskerı qyzmetshileri onnan astam halyqaralyq oqý-jattyǵýlaryna qatysty.