Qala ákiminiń ókimimen Baqytjan Naýryzbekov Almatynyń Qala qurylysyn baqylaý basqarmasynyń basshysy bolyp taǵaıyndaldy, dep habarlaıdy Qamshy.kz aqparat agenttigi.
B. Naýryzbekov 1983 jyly 2 tamyzda týǵan. 2005 jyly Almaty tehnologıalyq ýnıversıtetin, 2008 jyly M. Tynyshbaev atyndaǵy Qazaq kólik jáne komýnıkasıa akademıasyn, 2014 jyly Turan ýnıversıtetin támamdaǵan.
Eńbek jolyn 2005 jyly Almaty qalasy Kásipkerlik jáne ónerkásip Departamentinde qyzmet kórsetýdi damytý bóliminiń mamany retinde bastaǵan.
2005-2016 jyldary Kásipkerlik jáne ónerkásip Departamenti saýdany damytý bóliminiń bastyǵy, Bostandyq aýdany ákimi apparatynyń kásipkerlik pen ónerkásipti damytý bóliminiń basshysy, Medeý aýdany ákimi apparatynyń kásipkerlik pen ónerkásipti damytý bóliminiń basshysy, Almaty qalasy Kásipkerlik pen ındýstrıaldy-ınnovasıalyq damý basqarmasynyń basshysy qyzmetterin atqarǵan.
2016-2018 jyldary Medeý aýdany ákiminiń orynbasary boldy.
2018 jyldan bastap jańa taǵaıyndaýǵa deıin Almaty qalasy Kásipkerlik jáne ınvestısıalar basqarmasynyń basshysy.
Pikir qaldyrý