«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda Jambyl oblysy Jambyl aýdanynda bıylǵy jyly 1 181 adamdy jumyspen qamtý josparlansa, esepti kezeńde 1 014 adam jumyspen qamtylyp, jospar 85,8 paıyzǵa oryndalyp otyr dep jazady Qamshy.kz aqparat agenttigi. Baǵdarlamanyń 1 baǵyty qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý boıynsha respýblıkalyq búdjetten 41 mln 905 myń teńge bólinip, 220 adamdy oqytý josparlanyp, 1-2 kezeń boıynsha 257 adam joldandy.

Baǵdarlamanyń 2 baǵyty jappaı kásipkerlikti damytý aıasynda 2019 jylǵa 120 adamdy kásipkerlik negizderin oqytýǵa, 140 jumyssyz azamattarǵa nesıe berý jáne 74 adamǵa jańa bıznes ıdeıalardy iske asyrýǵa arnalǵan memlekettik grant berý josparlanyp otyr.

Esepti kezeńde «Atameken kásipkerlik palatasy» arqyly 1-2-3 kezeń boıynsha 123 adam oqýǵa joldandy. 45 adamǵa 174,3 mln teńge kóleminde shaǵyn nesıe berildi.

Baǵdarlamanyń 3 baǵyty halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý boıynsha azamattardy memlekettik, salalyq jáne óńirlik baǵdarlamalar aıasynda júrgiziletin qurylys jáne jóndeý jumystaryna tartý maqsatynda 2019 jyly 182,5 mln teńge bólinip, bul qarajattarǵa 627 adamdy jumyspen qamtý josparlansa, esepti kezeńde naqty 589 adam ornalasty. Atap aıtqanda:

- áleýmettik jumys oryndaryna 108 adam (jospar – 100 adam);

- jastar tájirıbesi boıynsha 216 adam (jospar – 220 adam);

- aqyly qoǵamdyq jumystarǵa 265 adam (jospar – 307 adam).

Densaýlyq saqtaý salasynda 35 mekeme men uıymdar halyqqa qyzmet kórsetedi, onda barlyǵy 106 dárigerler men 492 orta býyndaǵy medısına qyzmetkerleri bar. Jalpy aýdan boıynsha 10 myń turǵyndarǵa dárigerlermen qamtylý kórsetkishi 12,8 promıldi qurady.

2019 jyly 1000 adamǵa shaqqanda týý kórsetkishi 18,67 promıldi qurady. 1000 adamǵa shaqqanda ólim kórsetkishi 5,46 promıldi qurady.

Bıyl ana ólimi tirkelmegen. Al 1 jasqa deıingi sábıler ólimi kórsetkishi 5,7 promıldi qurady. Náreste ólimi boıynsha 9 jaǵdaı oryn alǵan.

Aǵymdaǵy jyly 20 adamda týberkýlez aýrýy anyqtaldy. 100 myń adamǵa shaqqanda týberkýlezben aýyrǵandar kórsetkishiniń koeffısenti 37,5 promıldi qurady.

Sonymen qatar, 100 myń adamǵa shaqqanda qant dıabetimen naýqastanǵandar koefısıenti 85,3-ni, qan qysymymen naýqastanǵandar koefısıenti 1 668,9-ny, jańadan paıda bolǵan qaterli isik aýrýlary 78-di, narkologıalyq táýeldilikke dýshar bolǵandar kórsetkishi 87,7-ti qurap, júıkesi syr bergender kórsetkishi 11,0-ge jetti.