Taraz qalasynda jastarǵa qatysty máselelerdi jergilikti jerde keń aýqymdy túsindirý maqsatynda «Jastarǵa memlekettik baǵdarlamalar jáne túrli salalar aıasynda konsýltasıalyq alań!» atty qalalyq Keńes berý alańy uıymdastyryldy. Shara Qazaqstan Respýblıkasynyń Prezıdenti Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn júzege asyrý maqsatynda ótkizildi.

Taraz qalasy ákimdigi ishki saıasat bóliminiń «Jastar resýrstyq ortalyǵy» komýnaldyq memlekettik mekemesiniń uıymdastyrǵan shara Taraz temirjol kólik jáne komýnıkasıa kolejinde ótti. Jıynnyń ashylýyna Taraz qalasy ákimdigi ishki saıasat bóliminiń «Jastar resýrstyq ortalyǵy» komýnaldyq memlekettik mekemesi dırektorynyń orynbasary Abzal Esirkepov qatysty.

Keńes berý alańynda 14-29 jas aralyǵyndaǵy jumyssyz jastar, múmkindigi shekteýli jastar, jeke kásibin ashatyn nemese kásibin damytýshylar, túrli baǵyttaǵy memlekettik qoldaý tetikteri, turǵyn úı, jumysqa ornalasý, áleýmettik jáne quqyqtyq kómek qajet etetinder, joǵary jáne orta arnaýly oqý ornyn bitirýshi stýdentter, orta mektepti bitirýshi túlekter túrli máselelerine jaýaptar aldy.

Keńes berý alańynda bilim basqarmasy, kásipkerlik palatasy, «Halyqqa qyzmet kórsetý ortalyǵy», dene shynyqtyrý jáne sport bólimi, densaýlyq saqtaý basqarmasy, ishki ister basqarmasynyń JPQ, turǵyn-jaı komýnaldyq sharýashylyǵy, jumyspen qamtý ortalyǵy, din sektory, psıholog mamandary qalamyzdyń turǵyndaryna, arnaýly orta oqý oryndarynyń stýdentteri men muǵalimderine, qala jastaryna keńesterin berdi.

Sharaǵa barlyǵy 500-den asa jastar qamtyldy. Qatysýshylardyń basym bóligi óz kásibin bastaý úshin kásipkerlik palatasynyń mamanyna, sonymen qatar, jastar praktıkasy jáne tegin kýrstarda oqý boıynsha jumyspen qamtý ortalyǵynyń mamanyna saýaldaryn qoıdy. Sonymen qatar, jattyǵý zaldary men sport alańshalary boıynsha dene shynyqtyrý jáne sport bóliminiń mamanyndary, kolejdi aıaqtaǵan soń joǵary oqý ornyna túsý boıynsha bilim basqarmasynyń mamany, jat aǵymdardan saqtaný joldary týraly din sektory mamany tyńǵylyqty jaýaptaryn berdi. Al, jeke máseleler boıynsha jastar psıholog mamanynnan keńes alyp, stýdentterge arnalǵan jol júrý bıletteri boıynsha turǵyn-jaı komýnaldyq sharýashylyǵy mamany túsinikterme berdi.