Agroónerkásip kesheni el ekonomıkasynyń negizgi draıveri. Bul Elbasynyń «100 naqty qadam» Ult josparynda aıtylǵan basty qadam men baǵyt. Osy oraıda Jambyl oblysynda kókónis-baqsha, kartop jáne dándi daqyldaryna basymdylyq berilip, óndiristiń kólemi ulǵaıtylýda dep jazady Qamshy.kz aqparat agenttigi. Agroónerkásip keshenin qoldaýǵa 2019 jyly 14,6 mlrd. teńge sýbsıdıa qarastyrylǵan, onyń ishinde respýblıkalyq búdjetten – 5,9 mlrd. teńge, oblystyq búdjetten – 8,7 mlrd. teńge bólingen.

2019 jylǵy 1 qyrkúıektegi jaǵdaıǵa 8,0 mlrd. teńge búdjettik qarajat ıgerildi, onyń ishinde respýblıkalyq búdjetten – 3,0 mlrd. teńge, oblystyq búdjetten – 5,0 mlrd. teńge.

2019 jyldyń 1 qyrkúıegine shaǵyn jáne orta kásipkerlik salasynda jumys isteıtin sýbektiler sany 70,1 myń birlikti nemese 2018 jyldyń tıisti kezeńine 111,8 paıyzdy qurady.

"Bıznestiń jol kartasy-2020" bıznesti qoldaý men damytýdyń memlekettik baǵdarlamasyn iske asyrýǵa 2019 jyly 1777,3 mln. teńge bólindi (respýblıkalyq búdjetten – 21,0 mln. teńge, jergilikti búdjetten – 1756,3 mln. teńge). Aǵymdaǵy jylǵy 1 qyrkúıegine 1688,8 mln. teńge ıgerildi.

Respýblıkamyzdyń agroónerkásip kesheni ekonomıkanyń asa mańyzdy salasy jáne ekonomıkalyq daǵdarysty joıý, tamaq jáne jeńil ónerkásipterin damytý, saıası-áleýmettik turaqtylyqty qamtamasyz etý jolynda sheshýshi ról atqarady. Aýyl sharýashylyǵy – bul elimizdiń ekonomıkasyn bıikke asqaqtatatyn mańyzdy salalardyń biri bolyp tabylady. Aýyl sharýashylyǵy degende eriksiz oıymyzǵa keń baıtaq jerimiz, tórt-túlik malymyz, egindi alqaptarymyz oralady. Elbasymyz óziniń kezekti joldaýynda bylaı degen: Úkimetke «Aýyl – El Besigi» jobasyn júzege asyrý úshin bıyl bólingen 30 mıllıard teńgege qosymshaaldaǵy úsh jyl ishinde 90 mıllıard teńge bólýdi tapsyramyn.

Bul qarajat kólik, aýyz sý jáne gazben qamtamasyz etý sıaqty ınfraqurylymdyq máselelerdi sheshýmen qatar, mektep, aýrýhana, sport alańdaryn salýǵa jáne jóndeýge jumsalady.

Qarjynyń jumsalýy barlyq memlekettik organdardyń qatań baqylaýynda bolýy tıis. Bul jospar agroóneokásipti birshama jaqsartatyny sózsiz. Elimizdiń damýyna da septigin tıgizeri haq.