25 qyrkúıekte Qytaıdyń memlekettik Xinhua jańalyqtar agenttiginiń saıty "China, Kazakhstan reaffirm commitment to strengthening ties" - "Qytaı men Qazaqstan qarym-qatynasyn nyǵaıta túspek", - dep jazdy. 

 Qytaı parlamentiniń spıkeri Lı Chjanshý 21-25 qyrkúıek aralyǵynda arnaıy shaqyrtýmen Qazaqstanǵa kelgen bolatyn. 23 qyrkúıek kúni QR Tuńǵysh Prezıdenti Nursultan Nazarbaevpen kezdesti. Keıinnen Qazaqstan senatynyń spıkeri Darıǵa Nazarbaeva men májilis tóraǵasy Nurlan Nyǵmatýllınmen kezdesý ótkizdi. 

Lı Chjanshý óz sózinde Qytaı men Qazaqstan  arasyndaǵy turaqty  strategıalyq seriktestikti damytyp, bolashaǵy zor baılanys quratyny jóninde aıtyp ótti. Eki tarap ta túrli salalarda ózara yntymaqtastyq ornatyp, seriktestikti kúsheıtetini týraly málimdedi. 

Eki el aldaǵy ýaqytta energetıka, aýyl sharýashylyǵy, qarjy, tehnologıa, bilim berý, sport, mádenıet jáne týrızm salasy boıynsha strategıalyq maqsatta kelisimderin jaqsartatyndary jóninde sóz boldy. 

Qazaqstan Respýblıkasynyń prezıdenti Qasym Jomart Toqaev Qazaqstan ylǵıda Qytaımen dostyq qarym-qatynasta bolatynyn jáne bizdiń el úshin Qytaıdyń álemdik qaýipsizdik pen turaqtylyqta alatyn orny erekshe ekenine atap ótti. 

Lı Chjanshý eki eldiń zań shyǵarýshy organy qazaq-qytaı arasyndaǵy ınvestısıalardy qorǵaý týraly paktini jańartý kerek ekenin, kedendik resimdeý jáne jumysqa ruqsat berý rásimderin jeńildetý jóninde málimdeme jasady. 

 Qazaqstan Respýblıkasynyń prezıdenti Qasym-Jomart Toqaev 11-12 qyrkúıek kúni Qytaıǵa jasaǵan sapary kezinde  Qytaı parlamentiniń spıkeri Lı Chjanshý myrzaǵa: "Sizdiń Qazaqstanǵa úsh ret kelgenińizdi bilemin. Jaqyn arada siz Qazaqstanǵa qaıta barasyz. Biraq bul saparyńyz Búkilqytaılyq halyq ókilderi jıyny turaqty komıtetiniń Tóraǵasy retinde bolatyndyqtan, onyń jóni de bólek bolmaq. Biz sizdiń saparyńyzdy zor yqylaspen kútemiz", - degen edi.