Jambyl oblysy ákimdiginiń kásipkerlik jáne ındýstrıaldy ınovasıalyq damytý basqarmasynyń janyndaǵy Áleýetti ınvestorlarǵa qyzmet kórsetý ortalyǵymen birlese «Qarapaıym zattardyń ekonomıkasy» baǵytyn damytý maqsatynda, bıznes-jobalardy izdestirý jumystary júrgizilýde. Baǵdarlamany júzege asyrý maqsatynda otandyq kásiporyndarǵa 600 mıllıard teńge kólemindegi qoljetimdi kredıttiń aıryqsha sharttary men tetikteri aıqyndalǵan. Onyń 400 mıllıard teńgesi óńdeý ónerkásibine, al 200 mıllıard teńgesi agro ónerkásip keshenindegi óndiris pen qaıta óńdeýge baǵyttalmaq. Jeńildetilgen nesıe boıynsha ekinshi deńgeıli bankter kásipkerlerge 7 jylǵa 15 paıyzben nesıe beredi. Qaıta óńdeý jobalary boıynsha onyń 7 paıyzy «Damý» qory arqyly sýbsıdıalanady, al, agroónerkásiptik keshendegi óndirý boıynsha onyń 10 paıyzy aýyl sharýashylyǵy basqarmasy arqyly sýbsıdıalanady. Sonda is júzinde kásipkerler nesıeni 8 jáne 5 paıyzben óteıdi.
Bir aıta keterligi, atalǵan baǵdarlama boıynsha kredıttiń eń joǵarǵy somasy shektelmegen. Baǵdarlama boıynsha halyq kúndelikti tutynatyn 365-ke jýyq taýardy óndirýge jáne kólemin arttyrýǵa múmkindik beredi. Atalǵan taýarlardyń qatarynda, kostúm, kóılek, tósek jabyndysy, shulyq, aıaq kıim, kilem, ústel, oryndyq syndy taýarlar bar.
- «Atameken» ulttyq kásipkerlik palatasy qala ákimdiginiń kásipkerlik, ónerkásip jáne týrızm bólimine túsindirý jumystaryn júrgizý úshin jalpy 1333 kásipkerlerdiń tizimin joldaǵan bolatyn. Búgingi tańda 899 kásipkerlermen saýalnama júrgizilse, qalǵan 434 kásipkermen jumystar júrgizilýde.
Búgingi kúnge kásipkerlik salasy boıynsha 9,7 mlrd. teńgege 165 joba «Atameken» kásipkerler ulttyq palatasyna usynylyp, onyń ishinde 4 joba 205,0 mln. teńgege qarjylandyrý úshin maquldandy. Olar: JK «Qylyshbekova» mal ósirýge 50,0 mln. teńge, JK «Kojabekova» ton tigýge 110 mln. teńge, JK «Jýmabekova» balabaqsha ashýǵa 18 mln. teńge, «Mark of perfestion» makaron óndirisin shyǵarýǵa 27 mln. teńge. Bul jobalar iske asyrylǵan jaǵdaıda 40 jańa jumys ornyn ashylatyn bolady. Qalǵan 161 jobany «Atameken» kásipkerler ulttyq palatasy tarapynan ekinshi deńgeıli bankterge usyný úshin zerdeleý jumystary júrgizilýde,-deıdi Taraz qalasynyń ákimi Q.Dosaev.
