«Microsoft» kompanıasy basshylyq qyzmetiniń dırektory Satá Nadella álemniń eń úlken kompanıasynyń taǵy da jumyskerlerin qysqartatynyn jarıalady.

Álemdegi eń iri baǵdarlamalarmen qamtamasyz  etetin «Microsoft kompanıasy shyǵyndaryn azaıtý maqsatynda kóptegen jumys oryndaryn qysqartýdy josparlaǵan»,-dep habarlaıdy «Nú-Iork Taıms» gezeti.

«Bul jolǵy búkil kompanıalyq yqshamdaý - ótken jylǵy 18000 jumys ornyn qysqartýdyń  jalǵasy »,-deıdi atalmysh aqparat kózi.

Bul qysqartýlar - kompanıanyń aparattyq toby men ótken jyly Nokia kompanıasynan ótkizip alǵan smartfon bıznesine baǵyttalǵan kórinedi.

Alaıda, ázirge Microsoft kompanıasy bul týraly eshqandaı túsinikteme bermegen.

Ótken jyly shildede Microsoft basshysy Satá Nadella teh-ındýstrıa tarıhyndaǵy eń iri qyzmettik qysqartýdyń, ıaǵnı 18000 jumys ornynyń yqshamdalatynyn aıtqan bolatyn. Bul  búkil kompanıa jumys kúshiniń 14 paıyzyn quraıdy eken. Ol kezde uıaly telefondar óndiretin Nokia-nyń joǵary basshysy Stıven Elop jáne odan basqa úsh joǵary basshynyń jumystan ketetindigi aıtylǵan edi.

Talǵar Dálelǵazy