Baızaq aýdanynda sýarmaly alqaptarǵa sý jetkizetin 72 sý joly qaıta jańartylmaq. Bul týraly aýdandyq Qoǵamdyq keńestiń otyrysynda baıandama jasaǵan Qazaqstan Respýblıkasy Aýyl sharýashylyǵy mınıstrligi Sý resýrstary komıteti “Qazsýshar” sharýashylyq júrgizý quqyǵyndaǵy respýblıkalyq memlekettik kásipornynyń Jambyl fılıalynyń basshysy Qazybek Bedebaev aıtty.
Aýdan ákimi Nurjan Nurjigitov, «Sý resýrstary komıtetiniń sý resýrstaryn paıdalanýdy retteý jáne qorǵaý jónindegi Shý-Talas baseındik ınspeksıasy» RMM basshysy Aǵybaı Dáýrenbekov qatysqan otyrysta “Aýdan kólemindegi aýyl sharýashylyǵynyń daqyldary óndiriletin egis alqaptaryna sý tasymaldaıtyn sýlandyrý júıelerin jáne ondaǵy sý rettegish quraldarynyń tehnıkalyq jaǵdaılaryn jaqsartý, egis alqaptaryna sý bólip berip otyratyn mamandardyń jaýapkershiligin arttyrý baǵytynda atqarylyp jatqan jumystar týraly” Jambyl fılıalynyń basshysy Qazybek Bedebaev habarlama jasady.
Habarlamashy «Baızaq» óndiristik bólimshesi aýdan aýmaǵynda ornalasqan aýyl sharýashylyǵy maqsatyndaǵy 32 553 gektar egis alqaptaryna sýarmaly sý berý boıynsha qyzmet kórsetetinin, óndiristik bólimshe teńgeriminde “Temirbek” jáne “Talas” sý toraby, 648,707 shaqyrymdy quraıtyn 105 dana kanal jáne 8 kolektorlyq drenaj júıeleri bar ekenin aıtty.
– Budan ózge ótken jyly 14,412 gektar jerge kelisim-shart jasalyp, 78,158 mln. tekshe metr sý berilse, aǵymdaǵy jyly 18,456 gektar jerge kelisim-shart jasalyp, 112,626 mln. tekshe metr sý berilgen. Jambyl fılıalynyń tapsyrysymen Qyrǵyz Respýblıkasynyń vegetasıa merziminde sýdan qıynshylyq kórgendikten, quny – 63,9 mln. teńgege uzyndyǵy 85 shaqyrymdyq 10 kanalǵa júrgizilgen mehanıkalyq tazalaý jumystary júrgizildi. Atalǵan kanaldar arqyly ótken jyly 1304 gektar jer sýarylsa, aǵymdaǵy jyly 2707 gektar jer sýarylǵan. Odan bólek aýdan aýmaǵynda josparlanǵan sý sharýashylyq nysandardyń qurylys jumystary da nazardan tys qalmady. Tehnıkalyq jaǵdaıy nashar, 40-50 jyldaı jóndeý jumystary júrgizilmegendikten sý ysyraby joǵary, qamys basyp, qoqysqa tolsa, betondy kanaldardyń lotoktary synǵan, sý ólsheý beketteri jaramsyz bolyp ketken. Osyǵan oraı, Elbasynyń tapsyrmasyna sáıkes, sýarmaly jerlerdi qaıta qalpyna keltirý baǵdarlamasy aıasynda aýdan boıynsha jer kólemi 14 098 gektar bolatyn 72 nysanda qaıta jańǵyrtý kózdelýde, – dedi Q. Bedebaev.
Habarlamadan soń Qoǵamdyq keńestiń “Agrarlyq saıasat, aýyldyq aýmaqtardy damytý, tabıǵatty jáne jer resýrstaryn paıdalaný, tehnogendik úrdister, kásipkerlikti qoldaý, qurylys, kólik jáne komýnaldyq sharýashylyq salalaryn damytý máseleleri jónindegi komısıasy” tóraǵasy Serik Ermekov qosymsha baıandama jasady. Sonymen qatar, aýdan ákimdigi aýyl sharýashylyǵy bóliminiń basshysy Bolat Saǵynbekov, Jalǵyztóbe aýyldyq okrýginiń ákimi Qanat Teleýov, oblystyq Qoǵamdyq keńestiń múshesi, “Talap” sharýa qojalyǵynyń jetekshisi Maýyt Fazýlov pikirlerin bildirdi.
