Jambyl oblysynda jastar týrızmin damytý boıynsha jemisti jobalar jandana bastady. Oǵan erikti jastar da óz úlesterin qosýda. Buǵan mysaldy alystan izdeýdiń qajeti shamaly. Mysaly, Jastar jyly aıasynda ústimizdegi jylǵy 23-25 aqpanda «Taraz jerine taǵzym» jas týrıser festıvali ótkizilip, oǵan 30 volonter qyzmet kórsetti. Festıvál aıasynda «Týǵan jerge taǵzym» tarıhı-ólketaný konferensıasy, Taraz qalasynyń týrısik nysandary boıynsha Jambyl, Almaty, Túrkistan oblystary men Almaty, Shymkent qalalarynyń oqýshylaryna arnalǵan ekskýrsıalyq týr, Jambyl, Almaty, Túrkistan oblystary men Almaty, Shymkent qalalarynyń IýNESKO klýbtary ókilderiniń qatysýymen balalarǵa arnalǵan «Jas sýretshi» jáne «Jas qolónershi» konkýrstary, múgedek balalarǵa kómek kórsetý úshin aksıa uıymdastyryldy.
Al bıylǵy 30-31 naýryzda «Taraz – ótken men bolashaqtyń túıisken qalasy» atty jastar týrısik forýmy ótkizilip, oǵan 30 volonter qyzmet kórsetti. Forým aıasynda «Aqyrtas» saraı kesheninde tarıhı-ólketaný konferensıasy, «Úzdik án», «Úzdik óleń», «Úzdik qoıylym» konkýrstary, «QUEST» ıntellektýaldyq-shytyrman oıyny, jastarǵa arnalǵan flesh-mob, álpınızm boıynsha master-klasstar jáne Taraz qalasy men jaqyn ornalasqan aýdandardyń tarıhı-mádenı nysandary men kórikti jerlerine ekskýrsıalyq týrlar uıymdastyryldy.
Budan bólek bıylǵy 13 maýsymnan bastap turaqty túrde «Jastar jyly» aıasynda týrızm basqarmasynyń bastamasymen oblys aýmaǵyndaǵy tarıhı-mádenı nysandar arqyly ótetin tegin 2 týrısik avtobýs jumysyn bastady. Aımaqtyń negizgi týrısik nysandaryn qamtıtyn marshrýt boıynsha iske qosylǵan, kásibı ekskýrsovodtary bar brendti týrısik avtobýstyń iske qosylýy ishki týrızmdi damytýǵa jáne týrısik obektilerdi oblys turǵyndary men týrıser arasynda tanymal etýge múmkindik beredi.
Sonymen qatar 28-29 tamyzda «Taraz gid» jastar týrısik sleti ótti. Sletke joǵary jáne orta arnaýly oqý oryndarynyń stýdentteri, elimizdiń ár aımaǵynan kelgen ekskýrsovodtar, shetel saıahatshylary men blogerler qatysqanyn aıta ketken jón.
Osylaısha Jambyl jerinde jastar týrızmin damytý baǵytynda baıandy bastalar kóterilýde.
