Jastar jyly aıasynda Jambyl oblysynda jarqyn jobalar qolǵa alynyp, júıeli jumystar jalǵasyn tabýda. Ásirese, bilim berý baǵytyna aıryqsha basymdyq berilýde. Osy oraıda «Nur Otan» partıasy Jambyl oblystyq fılıaly janyndaǵy «Jas Otan» Jastar qanatynyń «English for Jastar» jobasy aıasynda 473 mektep oqýshylaryna fakúltatıvti bilim berý kýrstary ótti.

Jobanyń oryndalý barysynda arnaıy Oksford ýnıversıtetiniń aǵylshyn tilin úıretý nusqaýlyǵy qoldanyldy.

Oqytý kýrstary mektep qabyrǵasynda oqýshylardyń arnaıy deńgeıdi ótkenge deıingi aralyqta, úsh aı boıy júrgizildi. Oqytýdy uıymdastyrýǵa aǵylshyn tiliniń mamandyǵy boıynsha joǵary oqý ornynyń stýdentteri tartylyp, jastar tájirıbesi boıynsha eńbek aqymen qamtamasyz etildi.

Aıta ketý kerek, joba segiz aýyldyq okrýgtegi mektep oqýshylaryna aǵylshyn tilin úıretý kýrstaryn júrgizdi. Bul qatarda Baızaq aýdanyndaǵy S.Ablanov atyndaǵy orta mektep, Jýaly aýdanyndaǵy №2 orta mektebi, №1 mektep-gımnazıasy, Qordaı aýdanyndaǵy №12 orta mektebi, Merki aýdanyndaǵy №9 V.Savva atyndaǵy orta mektep, Moıynqum aýdanyndaǵy Q.Qasymov atyndaǵy shaǵyn ortalyqty orta mektebi, Shý aýdanyndaǵy A.Qunanbaev atyndaǵy orta mektep, Jambyl aýdanyndaǵy Iý.Gagarın atyndaǵy orta mektebi, №1 orta mektebi, B.Momyshuly atyndaǵy orta mektebi, Q.Sartbaev atyndaǵy orta mektebi, Sarysý aýdanyndaǵy Sh.Ýálıhanov atyndaǵy mektep-gımnazıasy bar. Búgingi kúnge 473 bala aǵylshyn tiliniń kýrstarynan ótip, aǵylshyn tilin meńgerýge qosymsha septigin tıgizdi.

Odan bólek, «Jas Otan» Jastar qanatynyń «English for Jastar» jobasy aıasynda Taraz ınovasıalyq-gýmanıtarlyq ýnıversıtetiniń qoldaýymen «Homestay Calcalell Exchange» baǵdarlamasy uıymdastyryldy.

Jobany júrgizýge Ońtústik Koreıadan «Gyeongnam» ulttyq ǵylym jáne tehnologıa ýnıversıtetiniń 2 profesor jáne 3 stýdent volonterleri shaqyryldy. Volonterler Merki aýdanynda eki aptaǵa jýyq koreı tili kýrstaryn ótkizdi.

Al bıylǵy jyly qolǵa alynǵan «Jas Otan kitaphana» jobasy boıynsha oblys aýmaǵynda 5717 kitap sıfrlandyrylǵan. Jastardy kitaphanaǵa tartý, kitap oqýǵa baýlý aıasynda kitaphanalardan 15 bilim ortalyǵy ashylyp, jastardyń qoldanýyna berildi.

Sonymen qatar bıylǵy shilde aıynda Ońtústik Koreıa memleketinen 5 volonter kelip, Merki aýdanynda 10 kún boıy jastarǵa til kýrstaryn oqytty. Bul jumystarǵa 1500 jas qamtyldy.