Qazaqstandyqtar erteńine, eliniń bolashaǵyna senimmen qaraıdy. Biz úshin bolashaǵymyzǵa baǵdar beretin, ultty uıystyryp, uly maqsattarǵa jeteleıtin baǵdarlama bar. Ol Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy. Maqalanyń maqsaty - sanany ulttyq turǵyda jańǵyrtý desek, osy kúnge deıin bul baǵytta atqarylǵan jumystar az emes.

Baǵdarlama aıasynda Jambyl oblysynyń Shý aýdanyndaǵy «Jibek joly mektep - lıseıi» joba boıynsha mektep oqýshylaryna túrli baǵyttarda nátıjeli dáris berip aldyńǵy qatardan kórsetýi jıi oryn alýda. Ataýly lıseı osydan 26 jyl buryn Shý qalasy ákimshiliginiń № 180 sheshimine sáıkes óz jumysyn bastaǵan bolatyn. Osy ýaqyt ishinde 2018-2019 oqý jylynda «Jibek joly mektep-lıseıi» KMM oqýshylary mekteptiń tájirıbeli muǵalimderiniń jetekshiligimen túrli saladaǵy taqyryptarǵa negizdelgen ǵylymı jobalar jazyp, pándik olımpıada/baıqaýlarǵa qatysty. Mektep-lıseı Qazaqstannyń 4 jáne Reseıdiń 1 joǵarǵy oqý oryndarymen, Halyqaralyq «Bolshaıa Medjýnarodnaıa Ensıklopedıa» men Qazaqstan Pedagogıkalyq akademıasymen ujymdyq kelisim sharttar qurǵan. Osy kelisim sharttardy júzege asyrý maqsatynda mektep-lıseı oqýshylary túrli baıqaýlarǵa qatysyp keledi. Respýblıkalyq pán olımpıadasynyń aýdandyq kezeńinde 14 oqýshy túrli oryndarǵa ıe bolyp, oblystyq kezeńge 2 oqýshy joldama alǵan. Aýdandyq bilim bólimine suranys berý arqyly «Shamshyraq», «Bilgen báıge/alaman», «Kengýrý», «Jas bilimpaz»,«Aqbota» ıntellektýaldy baıqaýlaryna qatysyp, 60 İ,İİ,İİİ dárejeli dıplomdarǵa ıe boldy. Bıylǵy jyly mektep-lıseı oqýshylary 102 túrli dárejedegi oryndardy ıelengen. «Qazaqstan tarıhy» páninen «SKILLS AKADEMY» ortalyǵy uıymdastyrǵan Respýblıkalyq olımpıadaǵa qatysqan 10 oqýshynyń jumystary joǵary deńgeıde oryndalǵan dep sanalyp, «Qazaqstan úmiti» tósbelgisimen marapattaldy.«Jibek joly mektep-lıseıi» KMM daryndy oqýshylary bilim men ǵylymnyń shyńyn baǵyndyrýdy áli de jalǵastyrýda. Osyndaı baǵytta qarqyndy jumys jasap otyrǵan mektep aýlasynan «Meteorologıalyq stansıa» ashylyp lentasy qıyldy. Bul jańa ashylǵan «Meteorologıalyq stansıa»-nyń quramyna meteorologıalyq alań, termometrli jáne gıdrometrli úıshik, jel baǵytyn ólsheıtin aspap, jańbyr ólsheýish jáne topyraq termometri ornatylǵan.Mektep baǵdarlamasynyń ekinshi baǵyty uly aqyn Abaı Qunanbaevtyń 175 jyldyǵyna baılanysty jyldaǵy dástúr boıynsha 5 synyp oqýshylaryn «Lıseıst» qataryna qabyldap kýálikterin tabystady. Al lıseı oqýshylary óz aralarynda «ónerli lıseıstter» «Abaı – dara, Abaı – dana» atty óleńderi men qara sózderinen saıys ótkizdi.