Elbasy N.Á.Nazarbaevtyń 2020 jylǵa deıin Qazaqstan halqynyń kem degende 30 paıyzyn buqaralyq sportqa tartý mindetin belgileýi, dene shynyqtyrý men sporttyń adam ómirine degen mańyzyn barynsha kúsheıtip otyrǵandyǵy belgili.

Qazaqstan Respýblıkasynda dene shynyqtyrý men sportty damytýdyń 2011–2016 jyldarǵa salalyq baǵdarlamasynda da 2020 jylǵa qaraı salamatty ómir saltyn serik etken azamattardyń sanyn 30 paıyzǵa jetkizý kózdelgen bolatyn. Osy oraıda Jambyl oblysyndaǵy Sarysý aýdanynda da nátıjeli jumystar atqarylýda. Oǵan sportpen shuǵyldanýshylar kórsetkishiniń jyldan jylǵa artyp kele jatqandyǵy dálel bola alady.

Búginde aýdanda 173 sport nysany bar. 1 jeke menshik stadıon Jańatas qalasynda ornalasqan. Jańatas qalasyndaǵy balalar-jasóspirimder sport mektebinde 1 sport kesheni jumys isteıdi. Al sport alańshalarynyń sany – 103. Onyń 29-y Jańatas qalasynda .Sondaı-aq 25 fýtbol alańy, 30 sport zal qyzmet kórsetýde.

Turǵyndardyń sport nysandaryna qoljetimdiligin qamtamasyz etý baǵytynda joǵaryda kórsetilgen nysandardyń ishinen turǵyndardy qabyldaý múmkindigine qaraı aýdan ákimdiginiń dene shynyqtyrý jáne sport bólimi tarapynan taldaý jumystary júrgizilip, 173 sport nysan belgilengen. Olarda aýdan turǵyndary turaqty túrde dene shynyqtyrý jáne sportpen shuǵyldanýy úshin keste jasaldyp qoıylǵan Sonyń ishinde Jańatas qalasy boıynsha – 53, aýyldyq okrýgterde – 119 nysan bar. Osy nysandarda turǵyndardyń shuǵyldaný kestesi aýdandyq aqparat quraldarynda jarıalanyp turady.

Osyndaı ońdy isterdiń nátıjesinde búgingi tańǵa dene shynyqtyrý jáne sportpen júıeli túrde shuǵyldanýshylardyń sany – 12947 adamǵa jetken. Bul jegilikti halyqtyń 29,3 paıyzyn kórsetedi.

-Orta mektep oqýshylarynyń dene tárbıesi jelisi boıynsha Qazaqstan Respýblıkasynyń Prezıdenti N.Á.Nazarbaevtyń «Qazaqstannyń áleýmettik jańǵyrtylýy: Jalpyǵa ortaq eńbek qoǵamyna qaraı 20 qadam» atty maqalasynyń 15-tapsyrmasyn iske asyrý maqsatynda aýdan kóleminde ótken oqý jylynda 87 mektepten tys sport seksıalary tirkeldi. Balalar men jasóspirimder jalpy sanyna qatysty 7 men 18 jas aralyǵynda balalar-jasóspirimder sport mektepterinde jáne sport klýbynda dene shynyqtyrýmen jáne sportpen shuǵyldanatyn balalar men jasóspirimderdi qamtý aýdanda 2019 jyldyń 6 aıy boıynsha 8 652 balany quraıdy. Onyń ishinde 7 jastan 18 jasqa deıingi oqýshylar sany - 7 804. Osy oqýshylardyń ishindegi sport mektepterinde dene shynyqtyrýmen jáne sportpen shuǵyldanatyny 2 521 balany nemese 32,3 paıyzdy quraıdy,-deıdi aýdan ákimdigi deneshynyqtyrý jáne sport bóliminiń basshysy Saıat Begalıev.