29 qazan kúni Almatydaǵy Yqylas Dúkenuly atyndaǵy mýzykalyq aspaptar murajaıynda «Altyn qalam» ádebı júldesiniń jeńimpazdaryn marapattaý rásimi ótti. Bıyl atalmysh baıqaýǵa 10 jyl. Osy aralyqta júlde 8 márte berilipti.

Taza entýzıazmnan týǵan jobanyń ǵumyry kelte bolmaı, qalam terbeýshi jandardy qoldap, otandyq ádebıettiń damýyna úles qosyp kele jatqany qýantady. Talaı qalamgerdi shabyttandyryp, oqyrmanǵa sapaly shyǵarmalar usynylýyna sebepker bolǵan baıqaýǵa kelip túsken týyndylar bıyl da az emes. Júlde úshin uzyn-yrǵasy 397 avtordan 778 shyǵarma synǵa túsken. Onyń arasynda sheteldik shyǵarmalar da bar. Uıymdastyrýshylardyń aıtýynsha, bıyl dodaǵa Ýkraına, Reseı, AQSH, Germanıa, Izraıl, Moldova, Ózbekstan syndy elderdiń úmitkerlerinen de jumystar túsipti.

Shyǵarmalar ústimizdegi jylǵy 15 naýryzdan, 15 qyrkúıekke deıin qabyldanǵan. Munan soń 1 qazanǵa deıin oqyrmandardan daýys qabyldanǵan. Júldeniń uıymdastyrý komıteti men qazylar alqasy sapyna Dosym Satpaev, Aıdos Sarym, Arman Shoraev, Nurjan Muhamedjanova, Rasýl Jumaly, Kenje Jumanuly, Qýat Dombaı, Beknýr Qısyqov, Baıǵalı Esenálıev, Dildágúl Nurmahanbet, Tatána Fılıpchık jáne basqalar engen.

Ádebı júldeniń seriktesi “ZHERSU” ınvestısıalyq-óndiristik korporasıasy usynǵan 1 mln teńgelik basty qarjylaı syılyq bıyl balalar jazýshylaryna taǵaıyndalypty. Uıymdastyrýshylar óskeleń urpaqtyń tól ádebıetpen sýsyndaýyna mańyz berip, osyndaı toqtamǵa kelgen.

Sonymen, balalar jazýshylaryna arnalǵan «Daraboz» baıqaýynyń bas júldesin Qarlyǵash Sarybaeva jeńip aldy.

«Jyldyń úzdik poezıasy» atalymynda Dáýren Tileýhan (Aqtóbe), «Jyldyń úzdik prozasy» nomınasıasynda Gúlnár İztaeva (Shymkent) úzdik dep tanyldy. «Jyldyń úzdik kınosenarııi jáne dramatýrgıasy» júldesi Qýanysh Jıenbaıdyń (Astana) shyǵarmasyna berilse, «Jyldyń úzdik satırasy» júldesi atyraýlyq Amandyq Saǵyntaıulyna, «Jyldyń úzdik fantasıkasy jáne detektıvi» syılyǵy Oralbek Bekbolatqa (Kentaý) tapsyryldy.

Sondaı-aq uıymdastyrýshylar ádebı júlde atynan qazaqtyń halyq jazýshysy, kórnekti qalamger Ábdijámil Nurpeıisovke «Qazaq ádebıetine qosqan eleýli eńbegi úshin» atalymynyń berilgenin habarlady.

Orys tilindegi shyǵarmalar boıynsha jeńimpazdar tizimi tómendegideı:

«Lýchshaıa poezıa goda» – Olga Kývshınnıkova (Ýst-Kamenogorsk); «Lýchshaıa proza goda» – Qýanysh Jıenbaı (Astana); «Lýchshaıa detskaıa ı podrostkovaıa lıteratýra goda «Daraboz» – Ksenıa Evdokımenko (Almaty); «Lýchshaıa satıra goda ımenı Esenjola Dombaı» – Erlan Koshkınbaev (Almaty); «Lýchshaıa fantasıka ı detektıv goda» – Alnýra Kýrmangalı (Almaty); Lýchshıı kınosenarıı ı dramatýrgıa goda» – Ksenıa Evdokımenko (Almaty).

Júldeger shyǵarmalar men ózge de týyndalardy www.akalam.kz saıtynan oqýǵa bolady.