Tájik-ózbek shekarasyna shabýyl jasaǵandar Aýǵanstannan ótken DAISH sodyrlary ekeni belgili boldy dep Qamshy.kz aqparat agenttigi habarlaıdy,  RIA Novostı -ge silteme jasap.  

Tájikstannyń Ulttyq qaýipsizdik memlekettik komıteti (UQK) shekara kúzeti bóliminiń baspasóz qyzmetininiń málimdeýinshe,  3 qarashada 20 sodyr Shaartýz shekara jasaǵynan Kýbodıen aýmaǵyna ótip, beı-bereketsizdik ornatyp tájik jerinde jarylys uıymdastyrmaq bolǵan. 

Eske salsaq, túnde 20 adamnan quralǵan, betperde kıgen top urys qarýymen Ózbekstanmen shekarada, Dýshanbeniń batysynan 60 shaqyrym jerdegi "Sultanabad" shekara jasaǵy áskerı bóliminiń № 4 "Ishkobod" shekara beketine shabýyl jasaǵan.

Shabýyl barysynda belgisiz top 5 avtomatty alyp úlgergen.

–Kúsh qurylymynyń operasıasy barysynda qarýly qylmystyq toptyń 15 múshesiniń kózi joıyldy, beseýi ustaldy. Qarýly qaqtyǵysta shekara áskeriniń sarbazy men bir mılısıoner qaza tapty, – dedi Tájikstan ulttyq qaýipsizdiginiń memlekettik komıtetindegiler.

Qazirgi ýaqytta oqıǵa ornynda jedel tergeý toby qurylyp,  tergeý jumystary júrip jatyr.