Pavlodar turǵyny balasyn 12 jyl boıy izdegen. Osy ýaqyt aralyǵynda qazaqstandyq azamat Reseıdegi arnaıy mekemede otyrǵan. Qujaty bolmaǵan soń, elge qaıta almapty dep jazady Qamshy.kz aqparat agenttigi sputniknews.kz saıtynyń deregin negizge alyp. 

66 jastaǵy pavlodarlyq áıel 12 jylyn joǵalyp ketken ulyn kútýmen ótkizgen. Turǵynǵa balasyn qaıtarýǵa óńirdegi polısıa qyzmeti kómektesti, dep habarlaıdy Pavlodar oblysy polısıa departamentiniń baspasóz qyzmeti.

Osydan 12 jyl buryn Sharıpa Sálimhanova balasyn izdeýge kirisken. Ulynyń turaqty jumysy bolmaǵan. . Al 2012 qylmys jasaǵan. Qylmystyq qýdalaýdan qoryqqan jigit zańsyz Reseı shekarasyn kesip ótip, jasyrynǵan. 

Osy ýaqyt aralyǵynda anasy kúder úzbeı, balasyn tabýǵa tyrysypty. Ol qos eldiń shekara qyzmetinen, ulttyq qaýipsizdik komıtetiniń departamentinen, polısıadan kómek suraǵan. Alaıda pavlodarlyq áıel 7 jyldan soń, ıaǵnı 2019 jyly týǵan ulynan habar alypty. Onyń balasy Barnaýyl qalasyndaǵy arnaıy mekemede qamaýda bolǵan. Sharıpa Sálimhanova ulyn alyp ketý úshin sol jaqqa attandy.

Alaıda balasyn Qazaqstanǵa ákelý ońaıǵa soqpapty. Sebebi, onyń jeke basyn kýálandyratyn qujaty bolmaǵan.

Pavlodardyq Reseıdegi Qazaqstan konsýlynyń jeke qabyldaýyna kire almapty. Al arnaıy mekemeniń qyzmetkerleri ulyna jańa qujat jasaýǵa 6 aı ýaqyt ketetinin aıtqan.

Muny estigen áıel Pavlodar oblysy polısıa departatamenti kóshi-qon basqarmasynan kómek surady. Olar Omby qalasyndaǵy Qazaqstan konsýldyǵyna habarlasqan.

Qazaqstan konsýly Táýekel Sáken 2 aptanyń ishinde bul máseleniń sheshimin taýyp, pavlodarlyq áıeldiń uly Jantasqa elge qaıtarý týraly kýálik bergen. Al Pavlodar oblysy kóshi-qon basqarmasy jigitke jeke basyn kýálandyratyn qujatty qalpyna keltirýge kómektesken. Ol 30 qazan kúni qujatty qolyna aldy.

Jantas polıseılerge sheksiz alǵysyn bildirip, zańdy buzbaýǵa ýáde berdi.