Almaty qalasy ákiminiń orynbasary Erjan Babaqumarov «Úmit úıinde» bolyp, «Úmit úıi» QMM qamqorlyǵyndaǵy balalardyń turmysymen tanysty, dep jazady ákimdiktiń baspasóz qyzmeti.

Sonymen qatar, E.Babaqumarovtyń tóraǵalyǵymen balalardy qabyldaý komısıasy ótti. Komısıanyń otyrysynda E.Babaqumarov Áleýmettik ál-aýqat, Bilim jáne Qoǵamdyq densaýlyq basqarmalarynyń basshylaryna qıynshylyq kórip otyrǵan jáne baladan ýaqytsha bas tartýǵa májbúr bolǵan tolyq emes otbasynan shyqqan analarǵa qajetti kómek kórsetýdi tapsyrdy.

Bul úshin shahar basshysy B.Saǵyntaevtyń uıytqy bolýymen ashylǵan «İsker Ana» jobasy qolaıly bolmaq. Bul jobanyń arqasynda mamandyǵy men jumysy joq áıelder jańa mamandyqty ıgerip kete alady. Al oqý kýrsy aıaqtalysymen belsendilerdiń óz isin ashýy úshin qajetti qural-jabdyqtar men quraldardy alýǵa múmkindikteri bar.

Sondaı-aq, qalanyń barlyq aýdandarynda aýqymdy «Baqytty otbasy» baǵdarlamasyn, sondaı-aq Elbasynyń «Barlyǵyna tegin TjKB» baǵdarlamasy aıasynda bilim alý múmkindigin paıdalanýǵa bolady. Balalar qaraýda bolǵanda, analar «Baqytty otbasy» baǵdarlamasy boıynsha tegin bilim alyp, kýrstan ótip, jumysqa ornalasa alady. İsker jáne belsendi áıelder úshin «İsker Ana» baǵdarlamasy jumys isteıdi. Munda áıelderdi kásipkerlikke jáne bıznesti júrgizý negizderine úıretedi.