Almatyda 15-16 qarashada qalalar arasyndaǵy seriktestik jáne baýyrmaldyq qatynastardyń 25 jyldyǵyna oraılastyrylǵan  Máskeýdiń mádenı kúnderi ótedi.

Eń basty oqıǵa Máskeý úkimetiniń Ekonomıkalyq konferensıasy bolmaq, onyń aldynda Almaty qalasynyń ákimdigi men Máskeý úkimeti 2020-2023 jyldarǵa arnalǵan yntymaqtastyq týraly memorandýmǵa qol qoıady dep josparlanýda.

Konferensıada bolashaq megapolısteriniń ınfraqurylymdyq, sonymen qatar qos qalanyń ekonomıkalyq, ınvestısıalyq jáne iskerlik yntymaqtastyǵynyń máseleleri qaralatyn bolady.

Qazaqstannyń ońtústik astanasyna mádenı baǵdarlama aıasynda úzdik máskeýlik ujymdar konsertterimen, spektáklderimen keldi, jastar quramalary arasynda bokstan týrnır ótedi, qala ortalyǵynda eki megapolıstiń dostyǵyna arnalǵan art-obekt ashylady, al Abaı atyndaǵy memlekettik akademıalyq opera jáne balet teatrynda Máskeý men Almaty arasyndaǵy qarym-qatynastyń tarıhyna arnalǵan sýret kórmesi uıymdastyrylady.

Almatyda Máskeýdiń mádenı kúnderiniń resmı baǵdarlamasy 15 qarashada, juma kúni 28-shi gvardıashyl-panfılovshylar atyndaǵy parktegi Dańq Memorıalyna gúl shoqtaryn qoıýmen bastalady. Máskeýlik delegasıany Máskeý úkimetiniń mınıstri, syrtqy ekonomıkalyq jáne halyqaralyq baılanystar departamentiniń basshysy Sergeı Cheremın bastap keldi. Delegasıany Almaty áýejaıynda qala ákiminiń orynbasary Erjan Babaqumarov qarsy aldy.