Jambyl oblysy ákiminiń baspasóz hatshysy Nýradın Rakaı facebook paraqshasynda 12 jasar jasóspirimniń mektep ájethanasynda zorlanǵan isine baılanysty bilim basqarmasynyń basshysy jumystan bostylǵanyn jazdy, – dep Qamshy.kz aqparat agenttigi habarlaıdy.

Taraz qalasynda oryn alǵan jaǵdaıǵa qatysty bas-aıaǵy 11 adam jaýapqa tartyldy.

Taraz qalasyndaǵy PB JPQ bastyǵy polısıa polkovnıgi S. M. Mamytbekov, Taraz q. PB 2-PB bastyǵy polısıa polkovnıgi D. Ó. Musaev, Taraz q. PB 2-PB 2-PB bastyǵy polısıa podpolkovnıgi N. M. Tóleýishov, Taraz q. PB 2-PB ıývenaldyq polısıa jumysyn uıymdastyrý jónindegi aǵa ınspektory, polısıa maıory E. V. Iýrınaǵa qatań sógis jarıalandy.

Jalpy bilim beretin mekemelerge bekitilgen kámeletke tolmaǵandardyń isteri jónindegi ýchaskelik ınspektor, polısıa maıory N. K. Rysbaev ishki ister organdarynan shyǵaryldy.

Bilim salasy boıynsha atalmysh oqý ornynyń mektep dırektory L.Smanova óz erkimen jumystan bosatyldy.

 Sonymen qatar, mektep vahteri G.Nýrshabaeva, dırektordyq quqyqtyq isi jónindegi orynbasary A. Ýzbekova, ájethanaǵa suranǵan oqýshyny jiberip, sabaq bitkenshe izdemegen fızıka-matematıka pániniń muǵalimi V.Kım, mektep ishindegi kezekshilikke jaýapty qazaq tili pániniń muǵalimi B.Baıkýlova óz ótinishteri negizinde qyzmetterinen bosatyldy.

Qoǵamdyq rezonans týdyrǵan máselege baılanystyq oblystyq bilim basqarmasynyń basshysy Turmahanbetova Rahıa Seıitbekqyzy da óz erkimen jumystan bosatyldy.

Eske sala keteıik, oryn alǵan oqıǵaǵa qatysta oblys basshysy tıisti sala mamandaryna taýdaı talap júktep, naqty sheshimder qabyldaǵan edi. Búginde sol tapsyrmalar oryndala bastady.