Investısıa tartý-salyq túsimderin arttyrýmen halyq halyq turmysyn túzeýge baǵyttalǵan qadamdardyń biri. Sondyqtan da Elbasy Nursultan Nazarbaev bul máseleni únemi basty nazarda ustap keledi. Memleket basshysy Qasym-Jomart Toqaev ta «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Joldaýynda «Shetelden tikeleı ınvestısıa tartý jumystaryn barynsha jandandyrý qajet. Onsyz aldaǵy ýaqytta ekonomıkalyq ósim rezervi shekteýli bolady. Bul – atqarýshy bılik basymdyq berýi tıis mindetterdiń biri.
Qazaqstannyń 2025 jylǵa deıingi strategıalyq damý jospary aıasynda árbir sala men óńir úshin naqty maqsatty kórsetkishter belgilengen.
Memlekettik organdar, ásirese, óńir ákimderi sol kórsetkishterge qol jetkizýge tikeleı jaýapty bolady» dep bul baǵyttaǵy jumysty jandandyrýdy tapsyrdy.
Joǵary deńgeıde júktelgen tapsyrmalarǵa sáıkes, Jambyl oblysynda ıgilikke bastaıtyn ınvestısıalyq jobalar júzege asýda.
Mysaly, 2018 jyly jalpy quny 10 mlrd. teńgeni quraıtyn 6 ınvestısıalyq joba iske asyrylyp, 481 jańa jumys oryny ashyldy.
Bıylǵy jyly jalpy quny 11,9 mlrd. teńgeni quraıtyn 8 ınvestısıalyq jobaǵa 693 jańa jumys oryndaryn ashý josparlanǵan bolatyn.
Atalmysh jobalardyń ishinen bıylǵy jylǵa quny 4,5 mlrd. teńgeni quraıtyn 3 ınvest joba iske asyrylyp 17 jańa jumys oryndary quryldy, jáne de 7,5 mln.teńgege ónim óndirildi.
Atap aıtsaq, "Kordaıskıı molochnyı prodýkt" JSHS «Balmuzdaq óndiretin jańa avtomattandyrylǵan jelini engizý», "GREENWILL" JSHS «Alǵashqy akvoponıka tehnologıasy negizinde salat daqyldary men balyqty óndirip óńdeý», "Super-pharm" JSHS – «Medısınalyq maqsattaǵy bir rettik qoldanylatyn buıymdardy óndiretin zaýyttyń óndiristik korpýsynyń qurylysy» jobalaryn jandandyrýda. Jobanyń quny – 3448,32 mln.teńge. Jobanyń jyldyq qýattylyǵy – 64 mln.dana. Joba boıynsha 108 jańa jumys oryndary ashylady.
Sonymen qatar, aǵymdaǵy jyly Memlekettik Kartaǵa engen quny 7,3 mlrd.teńgeni quraıtyn 5 jobanyń jyl sońyna deıin júzege asyrylýy josparlanyp otyr. Ashylatyn jańa jumys oryndarynyń sany – 471 birlikti quraıdy.
Bul baǵyttaǵy jumystar jalǵasa beredi.
