Reseı Federasıasynyń  Rázan oblysy Spassk-Rázanskıı qalasynda halyqaralyq at báıgesi ótti. Báıgege Reseı, Germanıa, Qazaqstan, Fınlándıa memleketterinen túrli tekti tuqymdy attar qosylǵan.
Alys qashyqtyqqa shabatyn at báıgesine Qazaqstan Respýblıkasy atynan mańǵystaýlyq bes Adaı jylqysy qatysyp,barlyǵy júldemen oraldy. Sonyń ishinde Mańǵystaý aýdany Qyzan aýylynan at qosqan belgili atbegi – Buǵabaı Muqyrbaevtyń eki júırigi  qanjyǵasyna «jeńis» baılap kelgen. Olar: 80 shaqyrym qashyqtyq boıynsha alǵash ret báıgege túsken «Býmer» aty (báıge bala – jetibaılyq Ánes Etrekov) men 120 shaqyrymnan «Jary» tulpary (shabandoz – óz uly Bektas Muqyrbaev) İ (birinshi) oryndy jeńip aldy. Aıta keteıik, «Jary» buǵan deıin de aldyńǵy jyldary osy qalada ótken báıgede top jarǵan edi. Byltyr Fransıada synaqtan ótti.
Sondaı-aq 120 shaqyrym qashyqtyqta İİ oryndy da Natalá Dolgıhtiń «Jezkıik» atty Adaı jylqysy ıelenip, qalǵan İİİ, IV oryndardy reseılikterge  berip, V, VI oryndardy taǵy da Azat Qoıshıev («Oıly») pen Ábish Etırekovtyń («Kókpar») Adaı tuqymdy jylqylary oljalaıdy. Jerlesteriniń bul jeńisterinen jiger alǵan Dará Popovanyń osy tektes «Chekıs» tulparyna da 80shaqyrymdyq saıysta IV oryn buıyrady.
Bul shaǵyn aqparatty www.probegi.info saıtynda jarıalanǵan osy báıgeni uıymdastyrý komıtetiniń eseptik kestesinen kórýge bolady.

Berik Daýenov