Elbasy, «Nur Otan» partıasynyń Lıderi Nursultan Nazarbaevtyń bastamasymen qurylǵan «Birgemiz» Qoǵamdyq qorynyń Qamqorshylar keńesi otyrysynyń 2020 jylǵy 23 naýryzdaǵy № 3 hattamasymen koronavırýsqa qarsy kúres jaǵdaıynda muqtaj jandarǵa qoldaý kórsetýdi uıymdastyrýda basshylyqqa alynatyn negizgi 10 qaǵıdat bekitildi.

1. Erikti jarnalar men qaıyrmaldyq kómek. Barlyq qaıyrymdylyqty bıznes ókilderi tek jeke qarajaty esebinen erikti túrde jasaıdy. Búdjettik uıymdardan, sondaı-aq jalaqydan aýdarymdar qabyldanbaıdy.

2. Adrestilik. Tikeleı jeke qoldaý halyqtyń áleýmettik álsiz toptaryna (jasyna baılanysty COVID-19 juqtyrý qaýpi joǵary jandarǵa, koronavırýstyń zardabyn shekken jáne áleýmettik-ekonomıkalyq qıyndyqtarǵa ushyraǵan turmysy tómen qazaqstandyqtarǵa) kórsetiledi. Sanattar naqtylanýda. Kómek eldiń indet juqtyrý qaýpi joǵary iri qalalarynyń turǵyndaryna beriledi.

3. Kómektiń ádildigi. Kómek alýshylardyń tizimin anyqtaýda sýbektıvti paıymdaýlar men daýlardy boldyrmaý úshin Qor zańnama talaptaryna jáne memlekettik organdardyń (mınıstrlikter men ákimdikterdiń) resmı derekterine súıenedi.

4. Qolma-qolsyz jáne baılanyssyz kómek. Barlyq tólemder, tranzaksıalar, esep aıyrysýlar tek qolma-qol aqshasyz úlgide júzege asyrylady, bul qarjy jumsalymdarynyń ashyqtyǵy men aıqyndyǵyn qamtamasyz etedi.

5. Qor qyzmetiniń ýaqyt boıynsha shektelýi. Qordyń qyzmeti ınfeksıanyń taralýyna baılanysty eldegi tótenshe jaǵdaıdyń uzaqtyǵymen shekteledi.

6. Qor qarajatynyń maqsatty jumsalýy. Ákimshilik, uıymdastyrýshylyq shyǵystary «Nur Otan» partıasynyń qaıtarymsyz kómegi esebinen óteledi.

7. Únemdilik jáne tıimdilik. Áleýmettik jáne gıgıenalyq paketterge salynatyn taýarlar básekelik negizde taýardyń sapasy men qunynyń ońtaıly qatynasy eskerile otyryp satyp alynady.

8. Qazaqstandyq óndirýshilerdi qoldaý. Áleýmettik paketterdi jasaý úshin taýarlar, Qazaqstanda jasalmaıtyn taýarlardy qospaǵanda, tek qazaqstandyq óndirýshilerden satyp alynady.

9. Qordyń qarajaty men memlekettik búdjet arasynyń naqty ajyratylýy. Kómek zattaı áleýmettik paketter (azyq-túlik sebeti), qorǵanys quraldary (antıseptıkter, maskalar, qolǵaptar), qolma-qol aqshasyz tólemder túrinde kórsetiledi. Memlekettik búdjetten tólenetin qajettilikter qarjylandyrylmaıdy.

10. Qordyń ashyq, aıqyn qyzmeti. Qor qyzmetiniń ashyqtyǵy men aıqyndyǵy Qordyń Basqarmasynan jaýapty tulǵanyń kúndelikti brıfıń ótkizip, tolyqandy aqparatty berýi, túsken qarjy men kórsetilgen kómek týraly esepterdi turaqty túrde jarıalaıtyn arnaıy saıt qurý arqyly qamtamasyz etiledi.

Sonymen qatar Qoǵamdyq qorda uıym qyzmetiniń óz jarǵylyq maqsattaryna sáıkestigin baqylaýdy quramyna belgili qoǵam jáne memleket qaıratkerleri, azamattyq qoǵam ókilderi men jastar kiretin Qamqorshylar keńesi júzege asyratyny atalyp ótti. Qarajattyń jumsalýyn Tekserý komısıasy baqylaıdy.