Almatydaǵy tamaqtaný oryndarynyń birinde daıashy bolyp isteıtin Janys Núsipjan "karantın jarıalanǵannan keıin birneshe kún ótken soń kafemiz jabylyp qaldy" deıdi.

– Bizdiń kafede 20 shaqty daıashy isteıdi. Karantınge baılanysty solardyń bári úıinde otyr. 42500 teńge beriledi degendi estisimen bir-birimizden surastyryp, járdemaqyǵa ótinish bildire bastadyq. Men biryńǵaı jıyntyq tólemdi ótep, erteńinde 42500 teńgege ótinim tastady. 4 kúnnen keıin shotyma aqsha tústi. Úıge 1 aıdyń azyq-túligin alyp qoıdyq. Tótenshe jaǵdaıdyń sozylýyna baılanysty járdemaqy taǵy da beriledi degendi estip qýanyp otyrmyz, –  deıdi ol.

Búginge deıin 784 myńnan astam almatylyq tótenshe jaǵdaı kezinde tabysynan aıyrylǵandarǵa arnalǵan 42 500 teńgelik járdemaqyǵa ótinim bildirgen. 238 myń turǵynnyń ótinimi keıinge qaldyrylsa, qalǵandaryna áleýmettik tólem taǵaıyndalǵan.