Tatar zıalylary Reseı bıligi túsirgen "Zylıqa kózin ashty" serıalyna qarsy qol jınaýda. Bul týrala Tatarstannyń premer-mınıstriniń orynbasary Rafıs Kashapov habarlady. 

Ol "Zylıqa kózin ashty" serıaly tatar halqynyń tarıhyn qorlaǵanyn aıtty, - dep jazady yenicag.ru saıty. 

"Bul serıal tatar halqynyń dástúrin joqqa shyǵaryp, bizdiń ata-babamyzdy jabaıy etip kórsetken.  Pýtınniń  «Rossıa 1» telearnasy Gýzel Iahınanyń «Roman Zýleıha» atty serıalyn kórsete bastady. Bul - arandatýshylyq fılm, bizdiń oıymyzsha, tatarlar men orystardyń arasyndaǵy etnıkaaralyq jáne dinı qaqtyǵysty qozdyrýǵa baǵyttalǵan. Munda musylman tatarlarynyń qoǵamdyq-saıası belsendiligin tómendetý úshin Kremldiń arnaıy qyzmetteri jasaǵan ádister aıqyn kórinedi. Fılmde tatar halqy men musylman dinine qarsy arandatý - meshittegi jynystyq qatynas, musylman zıratyndaǵy tabyttar, tatar otbasynyń jabaıy jáne aqymaq adamdar beınesi anyq kórsetilgen" - deıdi Koshapov. 

Fılmniń rejıseri — Egor Anashkın. Al basty róldegiler — Chýlpan Hamatova, Evgenıı Morozov, Iýlıa Peresıld, Roman Madánov, Sergeı Makoveskıı, Aleksandr Bashırov, Roza Haırýllına. 

Koshapov bul adamdardyń kópshilik aldynda tatar halqynan keshirim suraýyn talap etti.