Tegeran AQSH-tyń 400 nysanyna shabýyl jasaýdy josparlaǵanyn aıtty. Bul týraly Qamshy tilshisi brıtandyq Daily Express basylymyna silteme jasap habarlaıdy. 

– Iran áskerlerine Amerıkanyń júzdegen nysanyna shabýyl jasaýǵa daıyndalý buıryǵy túsken,- – dep málimdedi Irannyń joǵary qolbasshysy.

Iran aeroǵaryshtyq kúshter brıgadasynyń generaly Amır Alı Hadjızade jýrnalıserge bergen suhbatynda: "AQSH keri shabýyl jasaýdy sheshse, Iran áskerleri úlken shabýylǵa daıyn turǵan bolatyn" dep málimdedi.

General Hadjızade taǵy: "Biz Amerıkanyń 400 nysanasyna shabýyl jasaýǵa daıyn bolǵanbyz" dedi.

Alaıda ol Irannyń qandaı nysandardy kózdegeni týraly naqtylamady.

Aıta keteıik, sársenbi kúni Iran áskerı spýtnıgin orbıtaǵa sátti ushyrǵan. AQSH bul oqıǵa jaıynda Tegeran BUU qaýipsizdik erejelerin buzǵanyn aıtyp, aıyptaǵan. Vashıngtonnyń oıynsha, Irannyń kezekti ushyrylymy ıadrolyq oqtumsyqtar tasıtyn qurlyqaralyq zymyrandarǵa qatysty bolýy múmkin. Alaıda Iran áskerı spýtnıktiń ıadrolyq zymyrandyq baǵdarlamaǵa qatysy joq ekenin málimdegen.