Almaty qalasynda koronavırýs indetinen eki pasıent qajetti em sharalaryn alyp, aýrýhanadan shyǵaryldy. 

Olar 1972 jyly týǵan áıel kisi men 30 jastaǵy er adam. Ekeýi de vırýs juqtyrǵan adammen baılanysta bolǵan. Er adam 4 sáýirden bastap, áıel kisi 14 sáýirden bastap ınfeksıalyq stasıonarda emdelgen. 

Naýqastardyń jaǵdaıy ortasha. Áıel kiside eki jaqty pnevmonıa dıagnozy boldy. Búgingi kúni olar hattamaǵa sáıkes emdeý kýrsynan ótip, ózin jaqsy sezinýde. Endi olar úı karantıninde bolady.

​Qazirgi ýaqytta Almatyda 8 jańa jaǵdaı tirkelgen. Olardyń barlyǵy vırýs juqtyrǵan adammen baılanystaǵy oqshaýlanǵan adamdar.

Qazirgi ýaqytta juqpaly aýrýlar stasıonarlarynda koronavırýstyq ınfeksıadan 667 pasıent em qabyldaýda.

1 adamnyń jaǵdaıy – óte aýyr, 21-inde – aýyrlaý, 199-ynda aýyrlyqtyń ortasha dárejesinde, qalǵandarynda – qanaǵattanarlyq.

Provızor ortalyqtarda 458 adam, karantındik oqshaýlaýda – 523 adam bar.