Aqtóbe oblysynda tótenshe jaǵdaı kezinde 1125 tártip buzýshylyq anyqtaldy. Bul týraly Polisia.kz habarlady.

Onyń ishinde QR Ákimshilik quqyq buzýshylyq týraly Kodekstiń 476-baby (TJ rejımin buzý) boıynsha – 1075 quqyq buzýshylyq anyqtaldy. Onyń 211-i qamaýǵa alynsa, 257-ne aıyppul salyndy, al 557 adamǵa eskertý jasalyp, 41 is sotqa jiberilgen.

QR Ákimshilik quqyq buzýshylyq týraly Kodekstiń 478-baby boıynsha (TJ jaǵdaıynda quqyq tártibin buzýǵa ıtermeleıtin is-áreketter) 50 zańbuzýshylyq anyqtaldy, onyń ishinde 23 jaǵdaı boıynsha aıyppul salyndy, 27 derekte qamaýǵa alynǵan.

Mysaly, qalanyń eki turǵynyna polısıa qyzmetkerleri QR Ákimshilik quqyq buzýshylyq týraly kodekstiń 476-babynyń 6-tarmaǵy boıynsha ákimshilik hattama toltyrǵan. Olar karantın kezinde vokzal mańyndaǵy alańda táýlik boıy páter tapsyrǵan. Mamandandyrylǵan ákimshilik soty eki áıelge 27 780 teńge kóleminde aıyppul saldy.

Azamattardyń blok-beketterdi zańsyz aınalyp ótý faktileri boıynsha 78 zańbuzýshylyq anyqtaldy.

Polısıa departamenti qala turǵyndarynan qabyldap jatqan sharalarǵa túsinistikpen qaraýdy suraıdy. Sonymen qatar bunyń bári ınfeksıa taralýynyń aldyn alý. Turǵyndardan qaýipsizdik sharalaryn saqtaýdy jáne jeke qorǵaný quraldaryn (maskalar men medısınalyq qolǵaptar) kıip júrýdi, dalaǵa shyqpaýdy suraıdy.