Ábý Nasyr Ál-Farabıdiń 1150  mereıtoıy aıasynda Ábý Nasyr Ál-Farabıdiń 1150  mereıtoıy aıasynda «Túlekter kúni» atalyp ótti. 

Ál-Farabı atyndaǵy Qazaq ulttyq ýnıversıteti jyl saıyn dástúrli túrde «Túlekter kúnin» atap ótedi. Osy joly onlaın formatta ótkizildi. Fakúltette kezdesýdi joǵary oqý ornyna deıingi bilim berý fakúltetiniń dekany J.E.Jappasov, barsha ýnıversıtet jáne fakúltettiń ustazdaryn, sondaı-aq fakúltetimizdi bitirgen túlekterge quttyqtaý jyly lebizin bildirdi. Kezdesýdiń barysynda fakúltetimizdiń dekany J.E.Jappasov joǵary oqý ornyna deıingi bilim berý fakúltetiniń (burynǵy shetel azamattaryna arnalǵan daıyndyq fakúltetiniń) ashylǵanyna 35 jyl, Ábý Nasyr ál Ál-Farabıdiń 1150 jyldyq mereıtoıy, Abaı Qunanbaevtyń 175 jyldyq mereıtoıyna baılanysty merekemen kezdesýge kelgen qatysýshylardy quttyqtady. 

Bul merekelik sharanyń maqsaty – ýnıversıtet qabyrǵasynan bilim alyp, túlep ushqan jastarymyzdyń elimizdiń ár salasynda (áleýmettik, ǵylym, bilim, rýhanı, t.b) óz úlesterin qosyp, el damýyndaǵy ónegeli isterin izbasarlaryna úlgi etý, nasıhattaý, jol kórsetý, qamqorlyq jasaý. Bul shara álemniń ekinshi ustazy atanǵan, Ál-Farabı babamyzdyń 1150 jáne Uly Abaı atamyzdyń 175 jyldyq mereıtoıyna arnaldy. Ataýly shara ýnıversıtet rektory Ǵ.M. Mutanovtyń jáne «Túlekter Qaýymdastyǵynyń» Prezıdenti Q.Á.Mámıdiń quttyqtaý sózderimen ashyldy.  Odan ári joǵary oqý ornyna deıingi bilim berý fakúltetiniń, joǵary oqý onyna deıingi daıyndyq kafedrasynyń meńgerýshisi M.S.Myrzabekovtyń quttyqtaý sózimen, sondaı-aq kezdesýdiń mańyzdylyǵyna toqtaldy. 

Ýnıversıtettiń barlyq fakúltetterinde, barlyq kafedralarynda atqarylatyn bul shara - shyn máninde  mańyzdy is shara.  Bul sharanyń mańyzdylyǵyna toqtalsaq, jyl saıyn osy oqý ornyn bitirip, qoǵamǵa bilimi men eńbegin berýge attanǵan túlekter 5 jyl, 10 jyl, 15 jyl jáne 20 jyldan keıin ózi bilim alǵan ýnıversıtetine kelip, ustazdarymen qaýyshyp, bıyl oqý bitirip jatqan jastarǵa óz jetistikterin, óz ómir jolyn úlgi ete otyryp, aq jol tileıdi, qaıyrymdylyq kómekter jasaıdy. Kezdesýge kelgen, joǵary oqý ornyna deıingi bilim berý fakúltetiniń túlekteri de elimizdiń ár salasynda óz úlesterin qosyp júrgen azamattar.  Olardyń qatarynda «Qamshy kz» aqparattyq  portalynyń dırektory Bilál Qýanysh, M.O.Áýezov atyndaǵy Ádebıet jáne óner ınstıtýtynyń ǵylymı qyzmetkeri Nurjuma Elesbaı, belgili ánshi, sazger Ushqyn Jamalbek, belgili ónertanýshy, dramatýrg Ánnes Baǵdat, aqyndar Jaqsylyq Qajymurat, Gúlden Ázilbek, Asqar Ákimbek  taǵy basqa túlekter qatysty. Joǵary oqý ornyna deıingi bilim berý fakúltetiniń dárisqanasy aýqymy keń, álemniń ár túkpirinen kelip bilim alyp jatqan jastardan turady. Bizdiń fakúltette shetelden kelip bilim alyp jatqan qazaq jastary óte kóp. Sondyqtan biz óz ýnıversıtetimizdi ushyrǵan túlekterimiz arqyly tórtkúl dúnıege tanytyp, bilim men ǵylymnyń órisin keńge jaıyp jatqan fakúltettiń biri bolyp otyrmyz.  Qytaı, Monǵolıa, Aýǵanstan, Ózbekstan, Túrkmenstan, Túrkıa, Koreıa, Japon, Germanıa, Ulybrıtanıa, Shvesıa, t.b elderden kelip bilim alyp, qazaq tili men tarıhyn, mádenıetin úırenip, rıza bolyp attanǵan qanshama sheteldik túlekterimiz de bar.  Solardyń biri Aýǵanstan Islam Respýblıkasynyń mádenıet jáne aqparat bóliminiń basshysy, 2010 jylǵy túlegimiz Rahımýlla Hýgánı qatysty.  Kezdesýde túlekterdiń quttyqtaý beıne jazbalary, joǵary oqý ornyna deıingi daıyndyq kafedrasynyń jetistikteri týraly slaıdtar, fotolar kórsetildi.  Kezdesýde fakúltettiń jáne kafedranyń ustazdary atynan profesor Q.A.Aqqoshqarova túlekterge óz jyly lebizin bildirdi. Al bıylǵy joǵary oqý ornyna deıingi daıyndyq kafedrasyn bitirýshi shákirtterdiń atynan Gúlden Kópshikbaı Abaıdyń «Kózimniń qarasy» ánin shyrqasa, Jandos Qumarbek kelgen qonaqtarǵa alǵys bildirdi.  

Túlekterge arnalǵan kezdesýdiń shymyldyǵyn «Armandastar» ánimen japty. Moderator Janna Saıynqyzy kelgen qonaqtarǵa tolaǵaıly tabys tilep, óz alǵysyn bildirdi.  Osy kezdesýde barlyq jaǵynan baǵyt-baǵdar berip, túlekterdi ýnıversıtetimizdiń úlken arnasyna toǵystyryp otyrǵan ýnıversıtet basshylaryna alǵysymyz sheksiz. Túlekter kezdesýi - ózderi bilim alǵan ystyq uıasyna degen saǵynysh pen qurmettiń belgisi. Bilim alǵan oqý oryndaryna el azamaty bolyp oralyp, tulǵa bolyp qalyptasqanyn qoǵamda atqaryp jatqan naqty isterimen kórsetedi. Arttarynan erip kele jatqan ini-qaryndastaryna  úlken ómir jolynda durys joldy tańdaýda úlgi bolady. Onlaın túrde ótken saltanatty jıyn óz maqsatyna jetti dep aıta alamyz.

Ál-Farabı atyndaǵy QazUÝ rektory Ǵ.M.Mutanovtyń ýnıversıtet túlekterin quttyqtaý sáti

Moderator: Ádilhanova Janna Saıynqyzy barlyq túlekterdi kezdesý kelýlerimen quttyqtaý sáti

Fakúltet dekany Jappasov Jarylqasyn Erkinuly ýnıversıtet basshylary men ustazdardy, barsha túlekterdi merekemen quttyqtaý sáti

Ál-Farabı atyndaǵy QazUÝ Túlekter qaýymdastyǵynyń prezıdenti Q.Á.Mámıdiń quttyqtaý sáti

Ál-Farabı atyndaǵy QazUÝ Joǵary oqý
ornyna deıingi bilim berý fakúlteti
dekannyń oqý-ádistemelik jáne tárbıe
jumysy jónindegi orynbasary M.B.Ámirhanov