25 maýsym saǵat 21.20-da Qazaqstan densaýlyq saqtaý mınıstrligi elde taǵy tórt adamnyń koronavırýstan kóz jumǵanyn habarlady. 

Vedomstvonyń málimetinshe, Aqmola oblysynda – 1971 jyly týǵan er azamat, Almaty qalasynda – 1958 jáne 1977 jyly týǵan áıel adamdar jáne 1979 jyly týǵan er adam qaıtys bolǵan.
⠀
Marqumdardyń koronavırýstan kóz jumǵanyn ólim nátıjelerin zertteý jónindegi komısıa anyqtaǵan. 
⠀
Osylaısha, Qazaqstanda  COVID-19 vırýsynan kóz jumǵandar sany 140 adamǵa jetip otyr. 

Naýryz aıynan beri elde 31 962 adamnan koronavırýs anyqtalǵan. Densaýlyq saqtaý mınıstrligi olardyń 19 285-in "sımptomy bar" degen sanatqa jatqyzsa, qalǵan 12 677-in "sımptomy joq" dep otyr. Búgingi kúnge deıin 12 222 adam vırýstan jazylyp shyqqan.