Pandemıa kezinde Almaty qalasy psıhıkalyq densaýlyq ortalyǵy jan-jaqty kómek kórsetýdi jalǵastyrýda. Bul týraly Almaty qalasynyń óńirlik komýnıkasıa qyzmetiniń alańynda Almaty psıhıkalyq densaýlyq ortalyǵynyń dırektory Sapar Rahmensheev aıtty.

Aǵymdaǵy jyldyń naýryz aıynan bastap, Almaty qalasyndaǵy psıhıkalyq densaýlyq ortalyǵynda Covid-19 aýrý belgileri bar naýqastardy qabyldaıtyn provızorlyq stasıonar retinde 300-den astam tósek-oryn daıyndaldy. Osy merzim ishinde aýrýhana 1800-den astam adamdy qabyldaǵan. Onyń ishinde 152 naýqastan koronavırýs ınfeksıasy tabylǵan.

«Bizde ókpe aýrýymen túsken ortasha, aýyr jáne óte aýyr jaǵdaıdaǵy naýqastar, ıaǵnı pnevmonıamen aýyrǵandar emdelip jatyr. Bizdiń 296 medısına qyzmetkerlerimiz óz mindetterin abyroımen atqarýda», — dedi S. Rahmensheev.

Sondaı-aq, pandemıaǵa qaramastan, ortalyqta burynnan emdelip jatqan, nashaqorǵa táýeldi jáne psıhıkalyq aýrýlary bar naýqastar, stasıonarlyq jáne ambýlatorlyq jaǵdaıda tolyq emderin jalǵastyrýda.

«Bizdiń ortalyq psıhologıalyq kómek kórsetý boıynsha jumysyn toqtatqan joq. Tirkelgen barlyq pasıentter emdeýdi jalǵastyryp jatyr», — dedi ol.

Ortalyqta táýlik boıy 376-56-60 senim telefony jumys isteıdi. Osy nómirge turǵyndar kez kelgen ýaqytta habarlasyp, keńes ala alady.