Býylǵanmen baılardyń beli bekem,
Kesir qoǵam dep jatyr keri ketem.
93 te týǵan soń aıtýshy edi,
Teńgeniń qurdasy dep meni kókem.
Qurdasymdy tilime tıek etsem,
Ótken kúndi kózimmen sholyp ótem.
1 teńge men 1000 teńge Ál-Farabı,
3 teńge Súıinbaıdaı seriń eken.
5 teńge kúı atasy Qurmanǵazy,
10 teńgede Shoqandaı eriń eken.
Abaıdyń sýreti bar 20 teńge,
Bul kúni jaı jyltyraq temir eken.
50 teńge áıgili Ábilqaıyr,
100 teńge Han Abylaı begiń eken.
Bul kezdegi baǵamen salystyrsań,
Ol kezde zattyń bári tegin eken.
Ulttyq banki shyǵarǵan aqshamyzdyń,
Baǵasy nege munsha kemidi eken.
Baıaǵy babalardyń beıneleri,
Bilmedim sirá neden jeridi eken.
Sýretteri teńgeden kórinbese,
Urpaqty oılap ýaıym jedi me eken.
Evro men dollarǵa mazaq bolmaı,
Kórde tynysh jataıyn dedi me eken...

Meıirbek Sultanhan ,Facebook paraqshasynan

"Qamshy" silteıdi