Mektep asqanalary meıramhana dárejesine teńestirilmeıtin boldy. Uzaq talqylaýdan keıin Ulttyq ekonomıka mınıstriligi oqý oryndaryndaǵy asqananalardy jalǵa berý aqysyn tómendetýdi uıǵaryp otyr. Bul týraly "Qamshy" aqparattyq portaly "Nur.kz" saıytyna silteme jasaı otyryp habarlaıdy.
Taǵy bir ózgeris – bıyldan bastap mekteptegi tegin tamaq berý júıesiniń toqtatylǵany málim.
Birinshi, ekinshi tamaq jáne bir staqan kompot, ne sút – bul buǵan deıin el mektepterindegi asqanada berilgen as máziri bolatyn. Eń bastysy – tegin.
Biraq jańa oqý jylynan bastap, endi ondaı jomarttyqqa jol joq. Eger bala mektepte tamaqtanǵysy kelse, onyń aqysyn ata-anasy tóleýi tıis. Oǵan búdjetten aqsha bólinbeıdi.
“Ótken jyly bir oqýshynyń tamaǵy úshin kúnine 153 teńge bólinetin. Bıyl endi ondaı júıe alyndy. Bul múldem tamaq bolmaıdy degen sóz emes. Biraq asqanalar endi aqyly jumys isteıdi. Degenmen, birshama jeńildikter de qaldyrylǵan”, – deıdi Aqtóbe oblystyq Bilim basqarmasynyń bólim basshysy Shamshyraq Saıǵalıeva.
Mamannyń meńzep turǵany – bul turmysy nashar jáne kópbalaly otbasynan shyqqan oqýshylarǵa qatysty jeńildik. Iaǵnı, tegin tamaqtaný quqyǵyna bıyl tek solar ǵana ıe bolmaq.
Buǵan búdjetten bir oqýshynyń bir rettik asy úshin kúnine 100 teńgeden 300 teńge aralaǵynda qarajat bólinbek. Al aqyly astyń quny ázirge bekitilgen joq. Qazaq taǵamtaný akademıasy tegin astyń mázirin ǵana jasap otyr..
“Kúndelikti taǵamnyń 35 paıyz qundylyǵyn qamtamasyz etetindeı qyldyq. Bul – 1-4 synyp oqýshylaryna 600 kkalorıa, 5-8 synyp balalaryna 730 kkalorıa, 810 kkalorıa 8-11 synyp balalaryna. Bul qaıtalap aıtamyn, kún kórisi tómen balalarǵa arnalǵan”, – deıdi Qazaq taǵamtaný akademıasynyń bólim jetekshisi Sátbek Musabekov.
Degenmen, bıylǵy oqý jylynda bolatyn taǵy bir ózgeris – asqana aqysyna qatysty. Budan bylaı bilim ordasyndaǵy tamaqtaný orynyn jalǵa berý quny keshenniń sharshy metrine qaraı baǵalanbaq. Qaıta bul jeńildetilgen túri eken.
Áıtpese, Ulttyq ekonomıka mınıstrligi naýryz aıynda memlekettik mekemelerge tıesili asqanalardyń jaldaý qunyn kóterýge pármen bergen edi. Biraq uzaq talqylaýdan keıin sheshim ózgertilip otyr. Onda da tek mektepterge ǵana qatysty.
Sóıtip, asqana taǵamynyń baǵasy onyń jaldaý aqysyna baılanysty óseıin dep tur. Máselen, buryn bir bálish 80 teńgeden satylǵan, endi onyń quny 200 teńgege jetýi múmkin. Bul, árıne, eń birinshi ata-ana qaltasyna aýyr soqqy.
