BQO Bórli aýdandyq sotynda «Grın Aksaı» JSHS-nyń burynǵy basshylary D.Sahym men E.Baqtıarǵa qatysty QR QK 228 jáne 278-baby boıynsha (1997 jylǵy redaksıada) qylmystyq is qaralýda. Bul týraly "Qamshy" aqparattyq portaly QazAqparatqa silteme jasaı otyryp habarlaıdy.
Bórli aýdany prokýratýrasynan túsken málimetke qaraǵanda, atalǵan basshylar 2012-2013 jyldary qaýipti qaldyqtardy ornalastyrýǵa qatysty ekologıalyq zańdylyqty buzǵan.
Atap aıtqanda, D.Sahym men E.Baqtıar «Kazbýrgaz» AQ-men munaı qaldyqtaryn qabyldaý jáne joıý qyzmetin kórsetý jóninde kelisim-shartqa otyryp, avtokólikter jaldaǵan. Sodan keıin iri kólemdegi munaı qaldyqtaryn Bórli aýdany Qyzyltal aýyldyq okrýgindegi aýyl sharýashylyǵy maqsatyndaǵy jerge, sondaı-aq ózge de anyqtalmaǵan oryndarǵa zańsyz tókken. Sóıtip olardyń zańsyz is-áreketteri saldarynan qorshaǵan ortaǵa 159 mln. astam teńge zalal keltirilgen.
