Almaty qalasy ákiminiń baspasóz-qyzmetiniń basshysy bolyp Artýr Nıgmetov taǵaıyndaldy. Bul týraly «Qamshy» portaly www.matritca.kz-ke silteme jasaı otyryp habarlaıdy.

Jańa ákimniń jańa baspasóz-qyzmeti basshysy týraly aqparatty Qazaqstan blogerler alánsynyń prezıdenti Ǵalym Baıtýk óziniń áleýmettik jelidegi paraqshasynda habarlaǵan.

«Dostar senimdi aqparat kózderinen málim bolǵandaı, bizdiń dosymyz, Qazaqstan blogerler alánsynyń negizin qalaýshylardyń biri,  qoǵamdyq qaıratker – Artýr Saǵıdollauly Nıgmetov Almaty qalasy ákiminńń baspasóz qyzmetiniń basshysy  bolyp taǵaıyndaldy. Kez kelgen ákimshilik úsh tilde erkin sóıleı alatyn baspasóz qyzmetishimen maqtana almaıdy», - dep jazady Ǵ.Baıtýk myrza.

Matrısa saıtynyń jazýynsha, bul aqparatty Artýr Nıgmetovtyń ózi de telefon arqyly rastaǵan. 

Artýr Nıgmetov BQO Memlekettik ýnıversıtetiniń tarıh fakúltetin 2007 jyly támamdaǵan. Máskeýdegi saıası zertteýler mektebiniń túlegi (2008j). Shvedtik SIPU International  ınstıtýtynda memlekettik jáne mýnısıpaldyq basqarý isi boıynsha tájirbıe jınaqtaǵan.


Nurzat Toǵjan