OQO-da alkogóldi ishimdikke sylqıa toıyp alǵan kisiler áıel adamdy qyzynyń kózinshe zorlap óltirgen.  Bul týraly «Qamshy» portaly  Otyrar.kz-ke silteme jasaı otyryp habarlaıdy. Jantúrshigerlik jaǵdaı 2014 jyldyń mamyrynda bolǵan.

OQO-nyń Maqtaaral aýdanynda qatty masaıǵan 4 jigit áıeldiń úıine basa kóktep kiredi.  Áıeldiń kúıeýi bul kezde ózge qalaǵa aqsha tabýǵa ketken. Osy jaǵdaıdy paıdalanǵan er kisiler ony kúshtep aýlaǵa shyǵarady. Sol jerde tepkiniń astyna alyp, zorlap, keıin kıim iletin jippen býyndyryp óltiredi.

Qylmystyń izin jasyrý úshin er kisiler áıeldiń denesin aýlasyndaǵy dýsh kabınasyna ózine qol salǵandaı etip kórsetip, ilip ketedi.

Qylmys jasaǵan tórt azamattyń úsheýi sot aldynda jaýapqa tartylyp, 17 jylǵa bas bostandyǵynan aıyryldy.

«İs boıynsha kóptegen kýágerlerden túsinikteme alyndy. Alaıda basty kýáger zardap shegýshiniń 9 jastaǵy qyzy boldy. Qylmys ýaqytynda qyz bala óziniń 4 jasar inisimen úıde bolǵan. Jetkinshek terezeden anasyn qalaı óltirip jatqanyn kórip turǵan. Ol qylmyskerlerdi tanyp, anyqtaýǵa kómek kórsetti. Belgili bolǵandaı er kisiler áıeldiń kórshileri bolǵan. Úsheýi de kináli dep tanyldy. Alaıda taǵaıyndalǵan jaza ázirge zańdy kúshine enbedi», – deıdi Shymkent qalasy qylmystyq sotynyń tóreshisi Dáýren Madalıev.

30 jastaǵy aıyptalýshylar óz kinásin moıyndamady.

Tergeý boljamy boıynsha, qylmysqa sottalǵandardan ózge taǵy bir azamat qatysqan. Oǵan qatysty tergeý jumystary júrgizilip jatyr.

Nurzat Toǵjan